Almatyda búgin bolǵan nóser jaýyn men daýyl saldarynan 6 aǵash qulady, dep habarlaıdy Almaty-akshamy.kz.
Qala turǵyndary áleýmettik jelige úlken shańdy daýyl men qulaǵan aǵash, qıraǵan kólikterdiń foto, vıdeolaryn saldy. Almaty qalalyq tótenshe jaǵdaılar departamenti qalada jeldiń kúsheıýine baılanysty (ekpini – 15 m/s) 112 nómirine turǵyndardan aǵashtardyń qulaǵany týraly 6 habarlama túskenin habarlady.
«Zardap shekkender týraly aqparat túsken joq. Oqıǵa ornyna 109 qutqarý qyzmeti, ákimdikterden merdigerlik uıymdar jiberildi. Qulaǵan aǵashtardyń sany ózgerýi múmkin. Buǵan deıin Qazgıdrometten naızaǵaı, batystan sekýndyna 15 metr bolatyn qatty jel týraly daýyldy eskertý jiberilgen bolatyn. Sonymen qatar Qazgıdromet 22 shildege -35 gradýs qatty ystyq jáne joǵary tótenshe qaýip týraly daýyldy eskertý berdi», - dep habarlady TJD-dan.