«Qazgıdromet» RMK boljamy boıynsha, 20-22 naýryz aralyǵynda Almatyda aýa raıy buzylyp, nóserli jaýyn-shashyn bolady dep kútilýde, osyǵan baılanysty qalalyq komýnaldyq qyzmetter daıyndyqqa keltirildi.
Qazirgi ýaqytta 536 jumysshy men 89 birlik arnaıy tehnıkanyń kúshimen aryq jelilerin, aryq ótkelderin jáne kezdeısoq qoqysqa aınalǵan jerlerdi tazalaý jumystary júrgizilýde. Ońtústikten soltústikke qaraı ornalasqan negizgi merıdıandyq aryqtardy tazartý aıaqtaldy. Kóldeneń aryq jelilerin jınaý jumystary jalǵasýda. 18 naýryzdaǵy jaǵdaı boıynsha 640 tonna qoqys, sazdy balshyq, laı jáne muz shyǵaryldy.
Jaýyn-shashyn kezinde sý basýdyń aldyn alý úshin motopompalarmen jáne shans quraldarymen jabdyqtalǵan 52 jedel mobıldi brıgadanyń kezekshiligi uıymdastyrylady. 2,3 myńnan astam qap qum daıyndaldy. Aýdandyq ákimdikterde jumys óndirisin baqylaý boıynsha táýlik boıy kezekshilik uıymdastyrylatyn bolady.
Aýa-raıynyń nasharlaýyna baılanysty turǵyndarǵa taýǵa barýdan bas tartýǵa, júrgizýshilerge aǵashtardyń qulaý qaýpi men elektr jelileriniń úzilýine baılanysty kólikterdi jol jıegine qoımaýǵa keńes beriledi. Sý basyp qalýdy boldyrmaý úshin qala turǵyndarynan aryqtaǵa, nóser aǵyndary men kanaldarǵa qoqys tastamaýdy ótinip suraımyz.
Almaty qalasynyń komýnaldyq ınfraqurylymdy damytý basqarmasy