Almaty qalalyq polısıa departamentiniń málimetinshe, jol apaty 15 qazan kúni saǵat 15:00 shamasynda Súıinbaı dańǵylynda boldy, dep habarlaıdy almaty-akshamy.kz
«Memlekettik nómiri joq «Audi S-2» markaly kóliktiń júrgizýshisi Súıinbaı dańǵylymen soltústik baǵytta kele jatyp, № 200 ǵımaratqa qarama-qarsy jerde joldy kesip ótpek bolǵan 1997 jyly týǵan S. esimdi jaıaý júrginshini qaǵyp ketti. Sodan keıin ınersıamen qarsy jolaqqa shyǵyp, avtobýs aıaldamasynda turǵan 1996 jyly týǵan A. esimdi jigitti qaqty. Odan ári jaryq baǵany men № 204 úıdiń qorshaýyna soǵyldy», - dedi Almaty qalasy PD anyqtaý bóliminiń bastyǵy Oljas Sháripov.
Jol apaty saldarynan S. esimdi 24 jastaǵy qyz oqıǵa ornynda kóz jumdy. Al, A.esimdi 26 jastaǵy jigit Almatydaǵy aýrýhanalardyń birine jetkizildi.
«Atalǵan derek boıynsha QR Qylmystyq kodeksiniń 345-baby 3-bóligi boıynsha sotqa deıingi tergeý bastaldy», - dedi polısıa ókili.