Almaty qalasynda «Dúısenbilik sport» jobasy aıasynda NEET sanatyndaǵy jastar arasynda voleıboldan chempıonat ótti, dep habarlaıdy almaty-akshamy.kz.
Salaýatty ómir saltyn nasıhattaǵan sporttyq atalmysh sharaǵa bazardan, saýda ortalyqtarynda jumys isteıtin jáne jumyssyz júrgen jastardan quralǵan 16 komanda qatysty.
Buǵan deıin «Dúısenbilik sport» jobasy aıasynda Almaty qalasy bazar jastarynyńarasynda shaǵyn fýtboldan týrnır ótken bolatyn.
Almaty qlasynyń NEET sanatyndaǵy jastarǵa erekshe den qoıylyp, sportqa degen qyzyǵýshylyǵyn arttyrý maqsatynda osy sharaǵa qatysqanymyzǵa qýanyshtymyz! Osy ózimiz ómir súrip otyrǵan, Alataýdyń baýraıynan oryn tepken Almaty qalasyndaǵy qanshama jańa jas sportshylarmen jáne jastarmen tájirıbe almasýǵa septigin tıgizgen osyndaı ıgi is-sharalar keńeıtilgen kólemde jalǵasyn taýyp, jıi uıymdastyrylsa» degen pikirin qosqandy jón kórdik,- deıdi «Qazyna» bazarynyń kapıtany Týtqabek Baýyrjan.
Jyl saıyn dástúrge aınalǵan «Dúısenbilik sport» jobasyn Almaty qalasy Jastar saıasaty basqarmasy uıymdastyrady. Ony uıymdastyrý bıyl baıqaý qujattaryna sáıkes «Social project management» ortalyǵy» qoǵamdyq qoryna júkteldi.
Chempıonat eki sport zalda qatar ótti.
«Qyrǵaýyldy», «Baqorda», «Arǵymaq», «Arǵymaq1», «AltynOrda», «Baqorda» t.b saýda ortalyqtarynda jumys isteıtin jastardan sonymen qatar NEET sanatyndaǵy «VKM», «Belgibaı», «Otaý-Qurmet» ıaǵnı jumyssyz jastardan júrgen quralǵan 16 komanda qatysty.
Alǵashqy irikteý kezinde 16 komanda eki topqa bólinip, ózara irikteý oıyndaryn ótkizdi. Komandalar keremet oıyn órnegin kórsetýge tyrysyp-aq baqty. Shırek fınal men jartylaı fınaldyq saıysqa súrinbeı jetken komandalar arasyndaǵy oıyn tartysty ótti.
«Belgibaı» men «Arǵymaq» komandalary Altyn medal men kýbok úshin jan alysyp jan beristi. Fınaldyq básekedegi eki komandanyń shabýylshylary bar aıla-tásilin qoldanyp-aq baqty. Degenmen 2:0 esebimen «Belgibaı» komandasynyń jigitter basym túsip, Altyndy óz qanjyǵasyna baılady.
Ala dopty alaqanda aınaldyryp, baıraqty básekede baq synaǵan komandalar arasynda«Belgibaı» komandasy, «Dúısenbilik sport» jobasy aıasynda ótken voleıbol chempıonatynyńjeńimpazy atanyp, kýbokty ıelendi.
Ózara baq synasqan qurama komandalar jarysy joǵary deńgeıde ótti.
Chempıonat qortyndysy boıynsha birinshi oryn alǵan «Belgibaı» komandasyna 250 myń teńgeniń, ekinshi oryn alǵan «Arǵymaq» komandasyna 150 myń teńgeniń, úshinshi oryn alǵan eki komanda «Otaý-Qurmet» pen «VKM» komandalaryna 50 myń teńgeniń sertıfıkattary tabys etildi.