Medeý aýdanynyń taýly aýmaǵynda topyraq tıegen KAMAZ joldan shyǵyp ketip, jarǵa qulady, dep habarlaıdy almaty-akshamy.kz.
Topyraq tıegen KAMAZ 8 maýsymda, senbide taýdan túsip kele jatqan jolda apatqa ushyraǵan.
Taýda túsip kele jatqan kóp tonnaly kólik qandaı jaǵdaıda jarǵa qaraı qulap, odan ári domalap beton qorshaýlarǵa soqtyǵysqany ázirge belgisiz. Aýdarylý kezinde kólikke salynǵan topyraq tolyǵymen shashylyp qalǵan.
KAMAZ qulaý kezinde jolyndaǵy qýatty elektr baǵanyn qıratyp, tereńdigi shamamen 20 metr bolatyn jarǵa qulaǵan. Jardyń tómengi jaǵynda ózen aǵyp jatyr.
Kólik apatynan júrgizýshi din aman.
Oqıǵa ornyna kelgen dárigerler brıgadasy zardap shekken adamnyń aıaǵynyń synǵanyn tirkep, jaqyn mańdaǵy emdeý mekemesine jetkizildi.
Oqıǵa ornynda jol polısıasynyń qyzmetkerleri jumys istep jatyr, olar oqıǵanyń mán-jaıyn anyqtaıtyn bolady.
Sonymen qatar, elektr jelilerin qalpyna keltirý úshin mamandar oqıǵa ornyna shuǵyl jetti.
Mamandar baǵan qulaǵanymen sym jelileriniń úzilmegenin naqtylady. Baǵandaǵy sham men oǵan qosylǵan ınternet jelisi úzilgen. Qazir mamandar oqıǵa saldarynan qulaǵan baǵandy qalpyna keltirip, shyǵyn kólemin esepteýde.