Almaty Qala qurylysyn baqylaý basqarmasynyń málimetinshe, Naýryzbaı aýdany Aqjar shaǵyn aýdanyndaǵy «Jaısan» turǵyn úı kesheni zańsyz salynyp jatyr, dep habarlaıdy Almaty-akshamy.kz.
Buǵan deıin nysanda tekserý júrgizilip, tapsyrys berýshi QR ÁBtK-niń 316 baby 1-bóligi, 321 baby, 463 babynyń 1-bóligi boıynsha ákimshilik jaýapkershilikke tartylǵan bolatyn.
Basqarma Almaty qalasynyń mamandandyrylǵan aýdanaralyq ekonomıkalyq sotyna zańsyz salynǵan nysandy buzý týraly talap aryz joldady. Búginde talap aryzdar qanaǵattandyrylyp, sot sheshimi zańdy kúshine enedi dep kútilýde.