Buǵan deıin áleýmettik jelide kókparshylardyń úılerdiń aýlasyna deıin kirip ketken vıdeosy taraǵan.
Sot Talǵarda kókpar uıymdastyrýshylar men qatysýshylaryn 10 táýlikke qamaý týraly úkim shyǵardy, dep habarlaıdy Almaty-akshamy.kz Almaty oblystyq polısıa departamentiniń baspasóz qyzmetine silteme jasap.
Polısıa mundaı ulttyq oıyndar adam ómirine qaýip tóndirmeıtin arnaıy oryndarda uıymdastyrylýy tıis ekenin atap ótti
«Tártip buzýshylar úsh ákimshilik bap boıynsha (usaq buzaqylyq, kólik transportynyń qozǵalysyna kedergi jasaý, jolaýshylar men júk tasymaldaý erejesin buzý) jaýapqa tartyldy jáne 10 táýlikke qamaýǵa alyndy», - delingen habarlamada.
Kókpar qatysýshylary vıdeoúndeý jarıalap, turǵyndardan keshirim surady.
Polısıa mundaı ulttyq oıyndar adam ómirine qaýip tóndirmeıtin arnaıy oryndarda uıymdastyrylýy tıis ekenin atap ótti.
Áleýmettik jelide tarap ketken vıdeoda shabandozdardyń kóshede oınap, úılerdiń aýlasyna deıin kirip ketkeni kórinip tur. Sonyń saldarynan kólik keptelisi boldy. Aýlada turǵan kólikterge zaqym kelgen.