Búgin Almaty qalasynyń Óńirlik komýnıkasıalar qyzmetiniń alańynda «Narkostop» jobasyn jáne jastar saıasaty basqarmasynyń jumysyn iske asyrý qorytyndylaryna arnalǵan brıfıń ótti, dep habarlaıdy aqshamnews.kz
Almaty qalasy Jastar saıasaty basqarmasynyń jastardy áleýmettendirý jáne jastar bastamalaryn qoldaý bóliminiń basshysy Nýrsýltan Bekkaırov 2024 jyly «Narkostop» jobasy jastardyń belsendi qatysýy men seriktesterdiń qoldaýynyń arqasynda aıtarlyqtaı nátıjelerge qol jetkizgenin atap ótti. Negizgi jetistikterdiń qatarynda tómendegideı is-sharalar atqaryldy:
• 150-den astam is-shara ótkizildi;
• esirtkini jarnamalaıtyn 110 000-nan astam graffıtı boıaldy.
«Bul bilim berý mekemelerimen, quqyq qorǵaý organdarymen jáne medısınalyq uıymdarmen tyǵyz jumys jasaý arqyly múmkin boldy. Joba nashaqorlyqtyń aldyn alýdy ǵana emes, jastardy áleýmettik mańyzdy qyzmetke tartýdy da qamtıdy. Biz 3000-nan astam kıbervolonterlerdiń esirtkige qatysty zańsyz mazmunmen kúresýge kómektesetinin maqtan tutamyz. Bul jas urpaqtyń qoǵamdaǵy ózgeristerge qalaı áser etetindiginiń mysaly», - dep atap ótti Bekqaırov.
«Narkostop» jobasynyń kýratory Nýrjan Jakýpov joba is-sharalaryn iske asyrýda júıeli kózqarastyń mańyzdylyǵyn atap ótti.
«Narkostop» jobasymen birlesip jumys isteý zańsyz kontentti tıimdi anyqtaýǵa jáne buǵattaýǵa múmkindik beredi. Jastar bizge belsendi túrde kómektesedi jáne bul naqty nátıje beredi. Joba aıtarlyqtaı nátıjelerge qol jetkizdi:jastar men ata-analardyń nashaqorlyq máselesi týraly habardarlyǵyn arttyrý, táýekel tobyndaǵy jasóspirimderdi qoldaý jáne olardyń ómirin ózgertýge kómektesý, esirtkini nasıhattaıtyn 60 000-nan astam graffıtıdi joıý jáne 350 ınternet-resýrstardy buǵattaý, otbasylyq faktorlar men áleýmettenýge kóbirek kóńil bólý - bul ata-analar men pedagogterge balalaryn jaqsy túsinýge jáne qoldaý ortasyn qurý úshin sharalar qabyldaýǵa kómegi tıdi», - dedi N. Jakýpov.
Spıkerler aldaǵy josparlarymen de bólisti. Ata-analarǵa balalarmen qarym-qatynas jasaý daǵdylaryn úıretýge jáne táýeldiliktiń aldyn alýǵa baǵyttalǵan «Sanaly ata-ana» jańa jobasyn iske qosýdy qosa alǵanda, otbasylyq qundylyqtar men aldyn alýdyń áleýmettik aspektilerine erekshe nazar aýdarylatyn bolady.
«Biz «Narkostop» jobasy Almaty qalasynyń jastary úshin qaýipsiz bolashaqty qamtamasyz ete otyryp, ósip, damı beretinine senimdimiz», - dep atap ótti brıfıńke qatysýshylar.