«Myńjylqy» kempıng-aımaǵy taý demalysyn, trekıngti, haıkıngti jáne serýendeýdi unatatyndarǵa arnalǵan jabdyqtalǵan jazǵy lager.
Týrıserdiń jaıly jáne qaýipsiz demalysy úshin shatyrlar, jaıly besedkalar, oryndyqtary bar ústelder jáne ulttyq stıldegi «altybaqan» átkenshekteri ornatyldy, dep habarlaıdy Almaty-akshamy.kz.
Týrıserdi tartýdyń jańa núktesi kishi Almaty ózeniniń bastaýynda teńiz deńgeıinen 3100 m bıiktikte ornalasqan (2GIS siltemesi). Mańaıynda Mánshúk Mámetova atyndaǵy kól men Amangeldi shyńy ornalasqan.
«Biz týrıser úshin jańa avtobýs baǵyttaryn qurý boıynsha jumys istep jatyrmyz. Árbir kempıngtiń orny taqyryby men sıpatyna sáıkes keletin ózindik biregeı dızaıny bar. Kempıng aımaqtary týraly barlyq aqparat karta platformalaryna, sonyń ishinde 2GIS-ke qosylady», - dedi Almaty qalasy Týrızm basqarmasynyń basshysy Ǵalıa Toqseıitova.
«Myńjylqy» sońǵy jyldary Almaty qalasy Týrızm basqarmasy ashqan toǵyzynshy kempıng-aımaq boldy. Bıyl jyldyń sońyna deıin týrısik ınfraqurylymdy damytý sheńberinde BAO - da kempıng-aımaq qurylatyn bolady.
Almaty Týrızm basqarmasy demalýshylardy tabıǵatty aıalap, taýda qoqys tastamaýdy suraıdy, sonymen qatar jaıaý serýendeý kezinde qaýipsizdik erejelerin saqtaýdy eskertedi:
- Taýǵa shyqqanda, týystaryńyzǵa marshrýtyńyz týraly habarlaý qajet.
- Aýa raıyna saı kıinińiz, terińizdi kúnnen qorǵańyz. Ózińizben birge qajetti jabdyqtardy, bas kıim, as-sý jáne portatıvti zarádtaǵyshpen zarádtalǵan telefondy alyńyz.
- Arnaıy belgilengen joldan shyqpańyz.
● Qutqarý qyzmetiniń SMS eskertýlerin qaperge alyńyz.