Megapolıste 2400-den astam ashyq sport alańdary bar. Bul kórsetkish jyl saıyn artyp keledi, dep habarlady Óńirlik komýnıkasıalar qyzmetiniń baspasóz konferensıasy barysynda Almaty qalasy sport basqarmasynyń basshysy Rústem Baıseıitov.
Almatyda ashyq sport alańdarynda ákimdik tegin jattyǵý prosesin uıymdastyrdy. «Eńbek» baǵdarlamasy aıasynda 42 maman-jattyqtyrýshy myńǵa jýyq balaǵa sabaq beredi. Jattyqtyrýshylar sany taǵy da jıyrma sport tálimgerine ulǵaıtylady dep josparlanýda.
Sonymen qatar, «Jekpe-jek» alty aýdandyq ashyq ortalyqtarynda BJSM-niń 14 jattyqtyrýshysy jattyǵý prosesin uıymdastyrdy.
Spıker osylaısha kóptegen balalardy sporttyq ómir saltyna tartý mindeti iske asyrylyp jatqanyn habarlady. Búginde ár balanyń tegin jattyǵýǵa, jattyqtyrýshylarmen sóılesýge, pikirlestermen tanysýǵa jáne bos ýaqytyn paıdaly ótkizýge múmkindigi bar.
«Biz 61 mektepte sport aımaqtaryn jańǵyrtý jumystaryn jalǵastyrdyq. Fýtbol alańdaryn, voleıbol jáne basketbol alańdaryn, vorkaýt jáne júgirý joldaryn salý kózdelgen. Búginde Almaty mektepteriniń sport zaldarymen jáne sport jabdyqtarymen qamtamasyz etilý kórsetkishi 100%-dy quraıdy jáne elimizdegi eń úzdik bolyp tabylady», - dep habarlady sport basqarmasynyń basshysy.
Balalar men jasóspirimder mektepterindegi sporttyq qural-jabdyqtardy jańǵyrtý jáne taıaýdaǵy úsh jylda tolyqqandy jattyǵý prosesi úshin qolda bar ınfraqurylymdy jóndeý josparlanýda. Sonyń ishinde joǵary sport sheberligi mektebiniń ǵımaraty men Ortalyq stadıonnyń qosalqy alańy jóndeletin bolady.