Bul maqsatqa qalalyq búdjetten 956 mıllıon teńge bólindi. 4 jastan 18 jasqa deıingi jas almatylyqtar memlekettik sporttyq tapsyrys pen jan basyna shaqqandaǵy qarjylandyrýdy júzege asyrýdyń arqasynda sporttyń 71 túri boıynsha úıirmeler men seksıalarǵa tegin bara alady. Bul týraly Óńirlik komýnıkasıalar qyzmeti alańynda sóılegen sózinde Almaty qalasy sport basqarmasynyń basshysy Rústem Baıseıitov aıtyp berdi, dep habarlaıdy Almaty-akshamy.kz
Eske salsaq, ótken jyldyń 30 jeltoqsanynda Qazaqstan Prezıdenti Qasym-Jomart Toqaev mádenıet, dene shynyqtyrý jáne sport máseleleri jónindegi zańǵa qol qoıdy. Qujatta halyqtyń barlyq jas toptary arasynda dene shynyqtyrý men buqaralyq sportty damytý jáne balalar úshin sporttyq ınfraqurylymnyń barynsha qoljetimdiligin qamtamasyz etý jónindegi sharalar kózdelgen.
Búginde Rústem Baıseıitovtiń aıtýynsha, Memleket basshysy bastamashylyq etken joba Biryńǵaı respýblıkalyq ARTSPORT.EDU.KZ.elektrondy platformasynda júzege asyrylýda
«Ata-analardyń Almatydaǵy barlyq tegin seksıalarmen tanysyp, úıden shyqpaı-aq balaǵa eń qolaılysyn tańdaýǵa múmkindigi paıda boldy. Bul platforma balany onlaın rejıminde jazýǵa múmkindik beredi, bul jumys isteıtin ata-analar úshin óte yńǵaıly. Bıyl barlyǵy 53 526 ótinim berilip, 37 sport túrinen 41 530 ótinim boıynsha vaýcherler iske qosyldy», - dep habarlady sport basqarmasynyń basshysy.
Onyń aıtýynsha, almatylyq balalar arasynda fýtbol, shahmat, taekvondo, dzúdo jáne júzý boıynsha tegin seksıalar suranysqa ıe.
Ol ata-analardyń balanyń turǵylyqty jerinen jaıaý qashyqtyqta seksıalardy tańdaýǵa múmkindigi bar ekenin aıtty. Mysaly, ár aýdanda 100 demalý ortalyǵy jumys isteıdi, onda 8 myńnan astam adamdy qamtı otyryp, 36 sport seksıalary men úıirmeleri tegin jumys isteıdi.
2023 jylǵa qaraı ortalyqtar sanyn 200-ge deıin arttyrý josparlanǵan, bıyl qosymsha taǵy 50-i ashyldy.
Balalardy sportpen qamtý týraly aıta kele, R. Baıseıitov oqýshylardy jeńil atletıkaǵa tartatyn «Kids Athletics» baǵdarlamasynyń iske asyrylýyn atap ótti.
«Kids Athletics» jattyǵýlary jeńil atletıkanyń barlyq pánderiniń negizderin: sprınterlik júgirý, estafetalar, tózimdilikke júgirý, naıza men dop laqtyrý, sporttyq júrý, uzyndyqqa jáne syryqpen sekirý negizderin qamtı otyryp, oıyn jarys formatynda ótkiziledi. 6 jastan 15 jasqa deıingi balalar sportpen shuǵyldana alady, al keıinnen kásibı sportqa kóshedi», - dedi R. Baıseıitov.
Aıta keterligi, atalǵan baǵdarlamaǵa qatysýshy 60-tan astam bala BJSM-ge qabyldandy.