Kógaldandyrý jumystary barysynda qaraǵaı, kashtan, sándik arborvıta, raýshan jáne basqa da gúlder otyrǵyzyldy.
Almaty qalasynyń ekologıa jáne qorshaǵan orta basqarmasy QBTÝ janynda ornalasqan «Soltústik» (Severnyı) skverine rekonstrýksıa júrgizildi, dep habarlaıdy Almaty-akshamy.kz
Skver aýmaǵynda beton plıtkalary tóseldi, otandyq óndiristiń shoıyn tirekteri men shamdary ornatyldy, sýarý júıesi qalpyna keltirildi, qosymsha rezervýar ornatyldy. Rekonstrýksıalaý qalanyń tarıhı-mádenı murasynyń, onyń ishinde «Myń tamshy» sýburqaǵynyń beınesin saqtaýdy eskere otyryp júrgizildi.
Jóndeý-qalpyna keltirý jumystary barysynda barlyq qubyrlar, saptamalar men armatýralar uzaq merzimdi paıdalaný nátıjesinde isten shyqqandyǵy anyqtaldy. Korozıa nátıjesinde qubyrlarda aǵyn paıda boldy, tuzdardyń tundyrylýy, bul sý sańylaýlarynyń bitelýine ákeldi. Osyǵan baılanysty qubyr júıesi men sorǵy qondyrǵysy, sýburqaqtyń jumys isteýin qamtamasyz etetin syrtqy jeliler tolyǵymen aýystyryldy. Sýburqaqtyń granıt jabyny da qalpyna keltirilip, jaryqtar men oıyqtar joıyldy.
Aıta keterligi, kelisimshartqa sáıkes merdiger uıym eki jylǵa deıingi merzimge júrgizilgen jumystarǵa kepildik mindetteme alatyn boldy.
