Almatyda terorıstik áreketter kezinde ortalyq mýzeıge shabýyl jasaldy, degenmen mýzeı múlikterine zalal kelmedi, dep habarlaıdy Almaty-akshamy.kz «Habar 24»-ke silteme jasap.
Shabýyl kezinde mýzeı basshylyǵy men qyzmetkerleri ǵımaratty qorǵap qalǵan. Olar búlikshilerge basý aıtyp, jádigerlerge tıispeýin ótingen jáne qyzmetkerler birneshe kún boıy mýzeıdi kúzetken.
«Olar mýzeıdiń esigin syndyryp kirdi. Basynda 6-7 adam kirgen, keıin olardyń sany 200-ge deıin jetti. Biz olarǵa birden basý aıttyq. "Bul jerde qundy muralar, olar joıylsa, tarıhymyz joıylady, tıispeńizder" dep aqylǵa shaqyrdyq. Sasqanymnan ne aıtqanymdy da bilmeımin. Olar sózge keldi», - dedi QR Memlekettik ortalyq mýzeı dırektorynyń orynbasary Bıbigúl Dándiqaraqyzy telearnaǵa bergen suhbatynda.