QR Memlekettik hatshysy Erlan Qarın Qazaqstandaǵy oqıǵalardy AQSH-taǵy tolqýlarmen salystyrdy, dep habarlaıdy Almaty-akshamy.kz QazAqparatqa silteme jasap.
«Biz kez kelgen ózge memleketke qarsy tutastyǵyn buzýǵa baǵyttalǵan barynsha turpaıy senarı qoldanýǵa bolatyn jańa kezeńge ótkenimizdi túsinýimiz kerek. Iaǵnı, osy memleketti saqtap qala alamyz ba degen suraq turdy. Bir ǵana qalany qorǵaý máselesi bolǵan joq. Bir ýaqytta birneshe óńirde shabýyl jasaldy. Osy oqıǵalardyń negizgi quraly terorıstik shabýyldar, terorıstik toptardyń azamattyq nysandarǵa shabýyly boldy. Qazirgi tańda kontrterrorıstik operasıa júrip jatyr», - dedi Memlekettik hatshy.
Onyń sózinshe, mundaı operasıanyń júrip jatqany týraly faktiniń ózi salmaqty ahýalǵa tap bolǵanymyzdy kórsetedi.
«Óıtkeni memlekettiń áreketter algorıtımi bar. Tártipsizdik jaǵdaıynda bir jospary bolady, tolqýlar jáne basqa da jaıttar bolsa, basqa algorıtm, jospar iske qosylady. Olardyń belgili bir kodtyq ataýy bolady degen sıaqty. Qazir bizdiń elimizde tótenshe jaǵdaıdan bólek terorızmge qarsy oeprasıa rejımi engizilgen. Óıtkeni biz terorıstik qaterge tap keldik. Kóptegen elderde jýyqta bolǵan oqıǵalar bar. Mysaly, AQSH-taǵy osyǵan uqsas Kapıtolıge jasalǵan shabýyldy aıtýǵa bolady. Nemese Taıaý shyǵys elderindegi oqıǵalardy aıtýǵa bolady. Osy oqıǵalardyń bárinde tek belgili bir element qana bolatyn. Ne syrtqy element, ne ishki element, ne aqparattyq, ne saıası jáne taǵy sol sıaqty. Al qazir, osy oqıǵalardyń bárine syrt kóz retinde qarasaq, ahýaldy turaqsyzdandyrýdyń búkil arsenaly qoldanylǵanyn kóremiz. Maqsaty - memlekettiń tutastyǵyn buzý bolǵan. Elimiz ol synaqqa qarsy tura bildi», - dedi Erlan Qarın.