Búgin Qazaqstan Respýblıkasy Ulttyq kitaphanasynda Qazaqstannyń halyq jazýshysy, memlekettik syılyqtyń laýreaty Muzafar Álimbaevtyń 100 jyldyǵyna arnalǵan «Qazaq balalar ádebıetiniń ótkeni men búgini» atty respýblıkalyq ǵylymı-teorıalyq konferensıa ótti, dep habarlaıdy Almaty-akshamy.kz.
Konferensıany Ǵylym jáne joǵary bilim mınıstrligi Ǵylym komıtetiniń M.O.Áýezov atyndaǵy Ádebıet jáne óner ınstıtýty, Qazaqstan Jazýshylar odaǵy, Qazaqstan Respýblıkasy Ulttyq kitaphanasy birigip uıymdastyrdy.
Sharanyń maqsaty – qazaq balalar ádebıetiniń kórnekti ókili Muzafar Álimbaevtyń ómir men shyǵarmashylyǵyn, balalar ádebıetindegi dástúr sabaqtastyǵyn, balalar qalamgerleriniń jańashyldyǵyn, qazirgi qazaq balalar ádebıetiniń ózekti máselelerin nasıhattaý.
İs-sharanyń moderatory – M.Áýezov atyndaǵy Ádebıet jáne óner ınstıtýtynyń dırektory Matyjanov Kenjehan İslámjanuly júrgizdi.
Jıyn barysynda Qazaqstan Jazýshylar odaǵy basqarmasy Tóraǵasynyń orynbasary, fılologıa ǵylymdarynyń doktory Baýyrjan Jaqyp «Muzaǵańnyń aqyndyq álemi» taqyrybynda baıandama jasady. Sondaı-aq fılologıa ǵylymdarynyń doktory Nurdáýlet Aqysh, M.O.Áýezov atyndaǵy Ádebıet jáne óner ınstıtýty Táýelsizdik dáýirindegi ádebıet jáne kórkem pýblısısıka bóliminiń meńgerýshisi Gúljahan Orda, Qazaqstannyń eńbek sińirgen qaıratkeri Súleımenov Beısenbaı baıandama jasady.
Konferensıa aıasynda balalarǵa arnalǵan K.Matyjanovtyń «Ýyz tárbıe» monografıasy jáne "Qazirgi qazaq balalar ádebıetiniń damý úrdisteri (1991–2021)" ujymdyq monografıasynyń tanystyrylymy boldy.
Sonymen qatar Almaty qalasyndaǵy Abaı atyndaǵy Respýblıkalyq mamandandyrylǵan daryndy balalarǵa arnalǵan qazaq tili men ádebıetin tereńdetip oqytatyn mektep-ınternattyń 11 synyp oqýshysy Jalǵas Qazybek M.Álimbaevqa arnap arnaý oryndady.
M. Álimbaevtyń uly Balamer Álimbaev qorytyndy sóz sóıledi.
İs-shara aıasynda Muzafar Álimbaevtyń ómiri men shyǵarmashylyǵyna arnalǵan «Balalar baqytynyń jyrshysy» atty keń aýqymdy kitap kórmesi úıymdastyryldy.