«Ashyq qoǵamǵa – ashyq arhıv» atty İ Halyqaralyq muraǵatshylar kongresi qalaı ótetini Óńirlik komýnıkasıalar qyzmetinde ótken brıfıńte aıtyldy. 19-21 qazan kúnderi Almatyda 200-den astam eldiń muraǵatshylary bas qosyp, jeke tájirıbelerimen bólisedi, dep habarlaıdy Almaty-akshamy.kz.
Qazaqstan Respýblıkasy Prezıdenti Muraǵatynyń dırektory Álıa Mustafına muraǵattyq mura tarıhtyń negizi, álemdik mádenı muranyń mańyzdy quramdas bóligi ekenin aıtty.
«Muraǵat – adamzattyń kóp ǵasyrlyq tájirıbesi men biliminiń qoımasy. Búgingi tańda dúnıe júziniń barlyq elderinde muraǵattardy, tarıh qoımalaryn qorǵaý jáne qoldaý burynǵydan da ózekti, óıtkeni ol – tarıhı bilimniń irgetasy bolyp tabylatyn muraǵattyq qujat», – dep atap ótti Á.Mustafına.
Qazaqstan Respýblıkasy Prezıdenti Arhıvi dırektorynyń aıtýynsha, muraǵat salasynyń dástúrli, konservatıvti úlgisi jańa tehnologıalardy engizý jáne sıfrlyq aktıvter kólemin arttyrý arqyly sıfrlyq júıede basqarylatyn zamanaýı muraǵat úlgisine aınalýy kerek.
«Memleket basshysy búginde Jańa Qazaqstan júıeli qaıta qurýlar jolymen kele jatqanyn atap ótti jáne Kongrestiń «Ashyq qoǵamǵa – ashyq arhıv» taqyryby qoǵamymyzdyń barlyq salalaryna demokratıalyq prınsıpterdi engizý úderisinde ózekti bolyp otyr. Aqparatqa ashyq qoljetimdilik muraǵattyq qujattardyń qundylyǵyn arttyrady», - dep jalǵastyrdy ÓKQ spıkeri.
Muraǵatshylardyń halyqaralyq kongresin Qazaqstan Respýblıkasy Prezıdentiniń Arhıvi Halyqaralyq muraǵattar keńesiniń qamqorlyǵymen uıymdastyrǵan. Qazaqstan TMD elderiniń ishinde birinshi bolyp álemniń 200-ge jýyq eliniń muraǵatshylaryn biriktiretin IýNESKO qurylymy uıymdarynyń, Halyqaralyq muraǵattar keńesi basshylyǵynyń qoldaýymen jáne qatysýymen kásibı muraǵat qoǵamdastyǵynyń is-sharasyn ótkizip otyr.
Kongresti uıymdastyrý men ótkizýge Qazaqstan Respýblıkasy Mádenıet jáne sport mınıstrligi, Qazaqstan Respýblıkasy Syrtqy ister mınıstrligi, Qazaqstan Respýblıkasy Aqparat jáne qoǵamdyq damý mınıstrligi jáne Almaty qalasynyń ákimdigi, sondaı-aq muraǵat qyzmetkerleri: Qazaqstan Respýblıkasynyń Ortalyq memlekettik muraǵaty Qazaqstan Respýblıkasy Ortalyq memlekettik kınofotoqujattar jáne dybys jazbalar muraǵaty, Almaty qalasynyń memlekettik arhıvi jáne ál-Farabı atyndaǵy Qazaq ulttyq ýnıversıteti qoldaý bildirdi. Forým alańdarynda ártúrli formattaǵy jáne mazmundaǵy is-sharalar uıymdastyryldy, olardyń ádettegi formattardan basty aıyrmashylyǵy - spıkerlerden tyńdaýshylarǵa, qurmetti qonaqtardan stýdentterge deıin barlyq qatysýshylardyń ınteraktıvti qatysýy.
Forým Qazaqstannyń barlyq aımaqtarynan jáne 15 shet elden 200-den astam qatysýshynyń basyn qosty.
Halyqaralyq arhıvter keńesiniń atynan baspasóz Atqarýshy dırektor Karlos Serrano Vaskes qatysýda. Halyqaralyq arhıvter keńesiniń basshylyǵy qazaqstandyq muraǵatshylardy qoldaý týraly sheshim qabyldady, óıtkeni «Ashyq qoǵamǵa – ashyq arhıv» kongresi sıaqty is-sharalar ózderiniń qajettilikteri men máselelerimen bólisýge, sondaı-aq yntymaqtastyq pen qoldaý múmkindikterin anyqtaýǵa múmkindik beredi.
«Álemde keıde burmalanǵan jáne jalǵan aqparat óte kóp. Sondyqtan da búginde arhıvaterge erekshe mısıa artylyp otyr – ol senimdilik pen shyndyqtyń qaınar kózi bolyp qalý. Búgingi tańda búkil álemde muraǵattyq aqparatty paıdalanýshylar sanynyń jyl saıynǵy ósý úrdisi baıqalady. Kongreste arhıv isiniń belgili otandyq jáne sheteldik mamandary muraǵat isine jańa tehnologıalardy engizý máselelerin kóterýde», - dep esepteıdi Á.Mustafına.
Jańa tehnologıalar negizinen muraǵattyq aqparatqa keńinen qol jetkizýge yqpal etedi, paıdalanýshylarǵa muraǵattyq qyzmetterdi kórsetýdi sapaly jańa deńgeıge kóterdi, sonymen birge olardy paıdalanýdyń kerisinshe jaǵy da bar, muraǵattyq aqparatty qorǵaý máselesi de ózekti bola túsýde. Búgingi tańda sıfrlyq aqparatty saqtaý júıesi konsepsıasynyń negizi qajet, sonymen qatar arhıvter zamanaýı IT bilimi bar jańa mamandarǵa óte muqtaj. Sondyqtan forýmnyń maqsaty – muraǵat isin damytýdaǵy túbegeıli júıeli ózgerister boıynsha naqty usynystar ázirleý.
Kongres aıasynda arnaıy kásibı oryndarda muraǵat isin damytýdyń ózekti tendensıalary, muraǵat isin jan-jaqty jańǵyrtý úshin búgingi tańda qoldanylyp, engizilýi qajet jańa tehnologıalar men quraldar talqylandy.