Óńirlik komýnıkasıalar qyzmetinde ótken brıfıńte Almaty qalasy boıynsha Memlekettik kirister departamenti óndiristik emes tólemder basqarmasynyń basshysy Qýanysh Túmenbaev jıi qoıylatyn suraqtarǵa jaýap berdi dep habarlaıdy almaty-akshamy.kz
- Eseptelgen salyq somasyn qalaı tekserýge bolady?
- Eseptelgen salyq somasyn saıttaǵy «aldaǵy tólemder» servısinen tekserýge bolady kgd.gov.kz, E-salyq Azamat mobıldi qosymshasy, sondaı-aq Homebank bankteriniń mobıldi qosymshalarynda jáne Kaspi.kz (memlekettik qyzmetter – salyqtar-kólik pen múlik salyǵy - JSN engizý).
- Salyq bereshegin qalaı tekserýge bolady?
Salyq boıynsha bereshektiń bar/joq ekeni týraly málimetterdi e-Salyq Azamat (AppStore, PlayMarket) mobıldi qosymshasy arqyly tekserýge bolady→Elektrondyq servıster→salyq jáne áleýmettik tólemder boıynsha bereshek servısi→JSN engizý.
20.09.2022 j. jaǵdaı boıynsha qala boıynsha 20 311 tulǵanyń múlik salyǵy boıynsha jalpy somasy 254 mln teńgege bereshegi bar.
- Boryshkerlerge qandaı sharalar qoldanylýda?
Birinshiden, merzimi ótken árbir kún úshin Qazaqstan Respýblıkasynyń Ulttyq Banki belgilegen qaıta qarjylandyrýdyń resmı stavkasynyń 1,25 eselengen mólsherinde ósimpul alynady.
Ekinshiden, boryshkerler banktik qyzmetterdi ala almaıdy, onyń ishinde bank shottaryn ashý, aqsha aýdarý, nesıe alý jáne t.b.
Úshinshiden, májbúrlep oryndatý maqsatynda bereshek somasy 1 AEK-ten asatyn boryshkerler boıynsha materıaldar sot oryndaýshylaryna joldanady, olar boryshkerlerge, onyń ishinde múlkine jáne bank shottaryna tyıym salý, sondaı-aq respýblıkadan tys jerlerge shyǵýyna shekteý qoıý sharalaryn qoldanady. Aıta ketsek, sot oryndaýshylar bir mezgilde qaryzdyń 25 paıyzyn quraıtyn sot shyǵyndaryn ustaıdy.
Tórtinshiden, boryshkerlerdiń jumys oryndaryna hattar joldanyp, Almaty qalasynyń jergilikti polısıasymen jáne Almaty qalasynyń jeke sot oryndaýshylarynyń óńirlik palatasymen birlesip, boryshkerlerdiń mekenjaılary boıynsha reıdter júrgizilýde.
Barlyq suraqtar boıynsha salyq tóleýshiler biryńǵaı baılanys ortalyǵyna 1414 telefony boıynsha habarlasa alady.