Almatyda múgedektigi bar balalarǵa arnaýly psıhologıalyq-pedagogıkalyq qoldaý kórsetetin mamandarǵa óńirlik búdjet esebinen beriletin tólem kólemi bekitilmek, dep habarlaıdy Almaty-akshamy.kz QazAqparatqa silteme jasap.
"Almaty qalasynyń 2023 jylǵa arnalǵan búdjet qarajatynyń kólemderi sheginde múmkindigi shekteýli balalardy arnaýly psıhologıalyq-pedagogıkalyq qoldaýǵa memlekettik bilim berý tapsyrysy bekitilsin", - delingen "Ashyq NQA" prtalynda jarıalanǵan ákimdik qaýlysynda.
Qujatta kórsetilgendeı, qazir arnaıy psıhologıalyq-pedagogıkalyq kómek alý úshin 1 433 múgedektigi bar bala kezekte tur.
Qalalyq bilim basqarmasy 1 bala úshin saǵatyna mamannyń jumysy úshin mynadaı soma bólýdi usyndy:
Psıholog – 7 216 teńge (1 saǵat jeke sabaq úshin);
Logoped – 7 619 teńge (1 saǵat jeke sabaq úshin);
Defektolog – 7 755 teńge (1 saǵat jeke sabaq úshin);
Tıflopedagog – 7 729 teńge (1 saǵat jeke sabaq úshin);
Olıgofrenopedagog – 7 917 teńge (1 saǵat jeke sabaq úshin);
Sýrdopedagog – 7 593 teńge (1 saǵat jeke sabaq úshin);
Emdik dene shynyqtyrý nusqaýshysy – 7 212 teńge (1 saǵat jeke sabaq úshin).
Ákimdik qaýlysy 22 sáýirge deıin kópshilik talqylaýynda bolady.