Almaty qalasy Jetisý aýdandyq sotymen qalalyq Jumyspen qamtý jáne áleýmettik baǵdarlamalar basqarmasynyń bólim basshysy A. Óserbaev sottaldy, dep habarlaıdy aqshamnews.kz.
Antıkordyń málimdeýinshe, ol «Suberpro-com» JSHS ókiliniń «Serebraldyq sal aýrýy» dıagnozy qoıylǵan balalarǵa arnaýly áleýmettik qyzmetter kórsetý boıynsha shart jasasýǵa járdemdesý syltaýymen 3,6 mln teńge somasynda aqsha qarajatyn jymqyrýǵa oqtalǵany úshin kináli dep tanyldy.
Óserbaevqa memlekettik qyzmette jáne kvazımemlekettik sektor sýbektilerinde qyzmet atqarýǵa ómir boıyna tyıym sala otyryp, 27 mln teńge kóleminde aıyppul túrinde jaza taǵaıyndaldy.
Sot aktisi zańdy kúshine endi.
Sonymen qatar Konstıtýsıanyń 77-baby 3-tarmaǵynyń 1-tarmaqshasyna jáne Qylmystyq-prosestik kodekstiń 19-baby 1-bóligine sáıkes, qylmystyq quqyq buzýshylyq jasaýdaǵy kinási sottyń zańdy kúshine engen úkimimen belgilengenge deıin árbir adam kinásiz dep esepteledi.