Urlyq vıdeoǵa túsip qalǵan. Jetisý aýdanynyń polıseıleri moped urlady degen eki adamdy ustady.
30 jastaǵy I. esimdi azamat pen onyń 37 jastaǵy serigi – K.esimdi azamatsha kúdikke ilindi, dep habarlaıdy Almaty-akshamy.kz Polisia.kz-ke silteme jasap.
«Aldyn ala anyqtalǵandaı, kúdiktiler zańsyz baıý maqsatynda túnde Zýbarev kóshesinde ornalasqan jataqhananyń aýlasynda qalyp qoıǵan mopedti kórip, urlap ketken. Keıin qaskóıler kólik quralyn 100 myń teńgege satyp jibergen. Jedel ýákilder eki dóńgelekti kólikti Almaty oblysy İle aýdanyna qarasty Býrýndaı aýylynan tapty jáne tárkiledi. Qazir ol zattaı aıǵaq retinde qylmystyq is materıaldaryna tirkeldi. Ustalǵandardyń qylmystyq áreketteri beınebaqylaý kameralary arqyly jazylyp qalǵanyn aıta keteıin. Qazirgi ýaqytta olardyń jeke basy osyǵan uqsas basqa da qylmystarǵa qatysy bar-joǵyna tekserilip jatyr», – dedi Jetisý aýdandyq polısıa basqarmasynyń bastyǵy Jánibek Shynasylov.
QR QPK-niń 201-babyna sáıkes tergeý múddesin kózdeıtin ózge de málimetter jarıa etýge jatpaıdy. QR Konstıtýsıasynyń 77-babynyń 3-tarmaǵynyń 1-tarmaqshasyna jáne QR QPK-niń 19-baby 1-bóligine sáıkes, zańdy kúshine engen sot úkimimen belgilengenge deıin árbir adam qylmystyq quqyqbuzýshylyq jasaýda kinásiz dep tanylady.