Almatyda tutas jolaqty kesip ótken polısıa kóligine moped soǵyldy.
Áleýmettik jelige shyqqan vıdeodan tutas jolaqty kesip ótken polısıa kóligine mopedtiń soǵylǵanyn kórýge bolady, dep habarlaıdy Almaty-akshamy.kz.
Jelidegi jazbada atalǵan vıdeonyń kóptegen áleýmettik jeliniń kanaldarynan alyp tastalǵany jazylǵan.
Almaty qalalyq Polısıa departamentiniń málimetinshe, jol apaty qalanyń Jetisý aýdanynda bolǵan. Shuǵyl shaqyrýǵa shyqqan patrúldik polısıa ekıpajy aldyn ala jypylyqtaıtyn shamdar men jaryq sıgnaldy daýys zoraıtqysh qondyrǵyny qosyp, belgilengen erejelerdi qatań saqtaı otyryp, keri burylý manevrin jasady. Jol qozǵalysyna qatysýshylar polısıa kóligine jol bergen. Alaıda, qoǵamdyq kólikke arnalǵan jolmen kele jatqan moped júrgizýshisi zań talabyn elemeı, patrúldik kólikpen soqtyǵysqan.
«Moped júrgizýshisi medısınalyq kómekten bas tartty. Jol apaty faktisi tirkeldi. «Chevrolet» avtokóliginiń júrgizýshisi jaýapqa tartyldy. Óndiristik materıaldar sotqa jiberiletin bolady», - dep habarlady qalalyq polısıa departamentiniń baspasóz qyzmeti.