Qalada moped pen jeńil kólik soqtyǵysyp, bir adam zardap shekti.
Jol apatynyń vıdeosy áleýmettik jelide tarady, dep habarlaıdy Almaty-akshamy.kz QazAqparatqa silteme jasap.
Qalalyq polısıa departamentiniń baspasóz qyzmetinen málim etkendeı, jol apaty kúndizgi ýaqytta ál-Farabı dańǵylynda bolǵan.
«Moped tizgindegen N. ál-Farabı dańǵyly boıymen shyǵys baǵytta kele jatyp, qashyqtyqty saqtamaǵan. Osylaısha, «Mitsubishi» markaly kólikke soqtyǵysqan», - dedi Almaty qalasy polısıa departamenti anyqtaý basqarmasynyń bastyǵy Oljas Sháripov.
Málim etilgendeı, mopedte memlekettik tirkeý nómiri bolmaǵan. Polısıa ókiliniń aıtýynsha, jol apaty saldarynan mopedshi dene jaraqatymen aýrýhanaǵa jetkizildi. Atalǵan derekti Bostandyq aýdanynyń polısıa basqarmasy tekserip jatyr.