Quqyq buzýshylardyń arasynda Gastreat bary, «Arıal» gólf klýby, «Chechıl pab», «Aıva» meıramhanasy bar.
Ótken aptada Almatydaǵy monıtorıńtik toptar 1000-ǵa jýyq mekemeni tekserdi, 124 nysanda buzýshylyqtar anyqtaldy, olardyń jartysyna jýyǵy demalys kúnderi tirkeldi dep habarlaıdy almaty-akshamy.kz
Tekserý kezinde 167 hattama jasaldy. Zańdy tulǵalar úshin jalpy somasy 10,7 mln teńgege 26 hattama jasaldy. Jeke tulǵalarǵa qatysty maska rejımin buzǵany úshin 6,2 mln teńge kóleminde aıyppul salynyp, 141 hattama toltyryldy.
Máselen, 11 tamyzda keshki saǵat 17.00 shamasynda Bostandyq aýdany, ál-Farabı dańǵylyndaǵy «Arıal» gólf klýbynyń aýmaǵynda 60 adamǵa arnalǵan toı ótti, ony tekserýshiler toqtatty. Jınalǵandarǵa mundaı sharalar koronavırýstyń taralý oshaǵyna aınalatynyn eske saldy, sebebi shaqyrylǵandar arasynda sımptomsyz kelýshiler bolýy múmkin. Sol kúni, shamamen saǵat 22.40-ta, Bostandyq aýdanynyń monıtorıńtik toby Gagarın kóshesindegi Gastreat laýndj-barynda zań buzýshylyqtardy anyqtady. Tekserý kezinde 30 adam bolǵan.
12 tamyzda, saǵat 21.47 shamasynda, Áýezov aýdanynyń Jetisý-3 shaǵyn aýdanynda «Fortýna» banket zaly jumys istep turǵan, bul jerde 100 adamǵa úılený toıy ótti.
Medeý aýdanynda 12 tamyzda, saǵat 23.22 shamasynda Tólebaev kóshesindegi «Chechıl pabynda» 50 adam bolǵan tártip buzýshylyq tirkeldi. 14 tamyzda, saǵat 20.30 shamasynda Medeý aýdanynda Gogol kóshesindegi «Aıva» meıramhanasynda zań buzýshylyq tirkeldi, onda 60 qonaqpen úılený toıy ótti.
Jıi tártip buzatyndar boıynsha 75 materıal sotqa berildi (462-baptyń 3-bóligi jáne 425-baptyń 1-bóligi boıynsha), onyń ishinde 65 materıal mekemelerdiń qyzmetin toqtatý týraly sheshim qabyldaý úshin paıdalanyldy.
Sonymen qatar, Almatyda qoǵamdyq kólikterde úshinshi apta maska rejıminiń saqtalýyna baqylaý kúsheıtildi. Yqtımal juqtyrý oryndarynyń arasynda SOSO men bazarlarmen qatar qoǵamdyq kólikter kórsetilgenin eskere otyryp, bul segmentte arnaıy monıtorıńtik toptardyń jumysy kúsheıtildi.
Mysaly, 12 jáne 13 tamyzda monıtorıńtik toptar 163 avtobýsty tekserdi. Qalanyń qoǵamdyq kólikterinde maska rejımin saqtamaǵany úshin 41 jolaýshyǵa QR Ákimshilik kodeksiniń 425-babynyń 1-bólimi boıynsha ákimshilik hattamalar jasaldy.
Almaty turǵyndaryn karantındik shekteýlerdi saqtaýdy jalǵastyrýǵa shaqyrady. Jańa koronavırýs ınfeksıasynyń vırýsy odan ári mýtasıalanatyn bolsa, onda ol qaıǵyly jaǵdaıǵa ákeletinin esten shyǵarmaǵan jón. Odan qorǵanýdyń jalǵyz joly – kópshiliktiń vaksınalanýy.
15 tamyzda Almatyda koronavırýs ınfeksıasynyń 1 503 jaǵdaıy tirkeldi, onyń ishinde 1 419 – sımptomdy. Tósek-oryn qýattylyǵy 8 910 ınfeksıalyq aýrýhanalarda 6 294 adam, onyń ishinde 246 bala bar. Reanımasıa jáne ıntensıvti terapıa bóliminde 434 naýqas emdelýde. ÓJJ apparatynda - 67, ınvazıvti emes ÓJJ apparatynda - 178, High flow - 176 apparaty.
Búgide AMSK men Telemedısına ortalyǵynyń mobıldi toptary úıde 13 127 naýqasty baqylaýda, jeńil jáne ortasha aýyr sımptomdy naýqas - 12 564, sımptomsyz - 563.