2023 jyldyń 2-3 aqpanynda Almatyda V Halyqaralyq «Digital Almaty 2023: jańa bolmystaǵy sıfrlyq áriptestik» sıfrlyq forýmy ótedi, dep habarlaıdy Almaty-akshamy.kz QR Sıfrlyq damý, ınovasıalar jáne aeroǵarysh ónerkásibi mınıstrliginiń baspasóz qyzmetine silteme jasap.
Forýmnyń basty taqyryby ınovasıalyq tehnologıalar ındýstrıasyn damytýdyń zamanaýı jahandyq syn-qaterleri bolmaq. Forýmnyń iskerlik baǵdarlamasy 20 paneldik sesıadan turady, onda 150-den astam spıkerler – halyqaralyq jáne Qazaqstandyq IT-qoǵamdastyq ókilderi sóz sóıleıdi. Digital Almaty forýmyna álemniń 30 elinen 15 myńnan astam adam qatysady dep kútilýde. Paneldik sesıalarda forýmǵa qatysýshylar ónerkásip salalarynyń avtomattandyrýdan sıfrlandyrýǵa údemeli kóshýin, sıfrlyq maınıng perspektıvalaryn, robottandyrýdy qoldaný salalaryn, Eýrazıalyq óńirde IT-salany damytýdy talqylaıdy.
Digital Almaty plenarlyq otyrysyna Eýrazıalyq ekonomıkalyq odaqqa (EAEO) qatysýshy elderdiń úkimet basshylary qatysady. EAEO elderi premer-mınıstrleriniń qatysýymen plenarlyq sesıada talqylaýdyń negizgi taqyryby turaqty sıfrlyq ınfraqurylymdy jáne telekomýnıkasıalardaǵy jańa tehnologıalardy damytý bolady. Spıkerler GovTech jáne FinTech damý perspektıvalary týraly áńgimeleıdi, sondaı-aq óńirde IT bıznesti odan ári damytý týraly kózqarasymen bólisedi.
Forýmda el tehnoparkteriniń, halyqaralyq vendorlardyń jáne venchýrlik qorlardyń kórmeleri uıymdastyrylady. Kórme aımaqtary Indýstrıa 4.0. jáne Innovation Center ındýstrıalyq ónerkásiptegi ınovasıalar men úzdik IT ázirlemelerdi kórsetedi.
Sonymen qatar, FinTech, Smart City, EDtech, GameDev, IoT, 5G, SaaS, Blockcain, Big Data, MedTech, Logistic&Travel jáne t. b. salasyndaǵy jobalar kórmesin qosa alǵanda, 100 jańa joba usynylatyn startaptar aleıasy da IT-salanyń jetekshi ókilderiniń qatysýymen tehnologıalyq marafon, vorkshop uıymdastyrylady, joǵary oqý oryndary men bos oryndar jármeńkeleri. Dástúr boıynsha forým alańynda ASTANA HUB BATTLE tehnologıalyq marafony - úzdik IT-startap úshin shaıqas ótedi. Shaıqastyń júlde qory $18 000 quraıdy.
Forýmǵa almatydigital.kz. saıtynda tirkelý arqyly qatysýǵa bolady.
Digital Almaty - bul sıfrlyq kún tártibin, sıfrlyq transformasıanyń jańa strategıalaryn jáne sıfrlyq tehnologıalar salasyndaǵy trendterdi talqylaýǵa arnalǵan dástúrli dıalog alańy. Forým 2018 jyldan bastap besinshi ret ótkizilip keledi. İs-sharany QR sıfrlyq damý, ınovasıalar jáne aeroǵarysh ónerkásibi mınıstrligi, QR Syrtqy ister mınıstrligi, Almaty qalasynyń ákimdigi, Tech Garden jáne Astana Hub uıymdastyrady.
BAQ úshin baılanystar:
SDIAÓM baspasóz hatshysy: Erhan Tatken +7702 817 7617
Forýmnyń PR-mamany, Tech Garden: Albına Ramazan +7777 3139190
ASTANA HUB baspasóz qyzmeti: Asel Mýhambetova +7747 432 2056
