Óńirlik komýnıkasıalar qyzmetiniń alańynda Qazaqstan Respýblıkasy Memlekettik qyzmet isteri agenttiginiń Almaty qalasy boıynsha departamentiniń basshysy Ildar Úısimbaevtyń qatysýymen brıfıń ótti.
Baıandamashy óz sózinde Memleket basshysy Jańa Qazaqstanda memlekettik qyzmettiń qyzmet kórsetý sıpatynda bolýy jáne artyq búrokratıasyz jumys isteýi kerektigin birneshe ret atap ótkenine toqtaldy. Bul tapsyrma Almatydaǵy memlekettik mekemeniń mısıasynyń negizine aınaldy, dep habarlaıdy Almaty-akshamy.kz.
«Memlekettik qyzmet isteri agenttigine memlekettik qyzmetke kirý jáne odan shyǵý rásimderin jeńildetý boıynsha jańa mindetter júkteldi. Qazirgi tańda osy máseleler aıasynda zańnamaǵa birqatar ózgerister engizildi. Sonymen, memlekettik qyzmetke qabyldaý jáne qyzmetten bosatý kezindegi ákimshilik kedergilerdi joıý maqsatynda zańnamaǵa joǵary oqý oryndarynyń úzdik túlekterin aýdan jáne aýyldaǵy tómengi laýazymdarǵa konkýrstyq irikteýsiz taǵaıyndaý, joǵary laýazymdarǵa tikeleı taǵaıyndaý, ýákiletti organnyń kelisimimen «B» korpýsy memlekettik qyzmetkerlerge toqsan saıyn baǵa berýge kóshý máseleleri boıynsha ózgerister engizildi», - dep atap ótti I.Úısimbaev.
Kadrlyq strategıanyń taǵy bir mańyzdy quraly kadrlyq qujattamany sıfrlandyrý, «E-qyzmet» júıesin jańǵyrtý arqyly memlekettik qyzmetti sıfrlandyrý boldy.
Sonymen qatar, memlekettik qyzmetshilerdiń fýnksıonaldyq mindetterin olardyń tıimdiligi men maqsattylyǵy turǵysynan zerdeleý jumystary júrgizildi. Nátıjeleri boıynsha ýákiletti organdarǵa tıisti usynymdar jiberildi, olar atalǵan salalardaǵy jalpy tásilderdi jańǵyrtýǵa múmkindik beredi.
Aıta ketý kerek, Almatyda memlekettik qyzmette 4 myńǵa jýyq adam jumys isteıdi. Qalada burynǵydaı qyzmetkerlerdiń ortasha jas shegi - 35 jas, sondaı-aq genderlik teńdik qaǵıdasy saqtalady. 2022 jyly memlekettik qyzmetten ketken qyzmetkerlerdiń paıyzy tómendedi, merıtokratıa ınstıtýtynyń aıtarlyqtaı jaqsardy – tómengi pozısıalarda qyzmet etetinderdiń 46 paıyzy mansap satysynda joǵary kóterildi.
Barlyq memlekettik qyzmetshiler Memlekettik basqarý akademıasynda oqýdan jáne qaıta daıarlaýdan ótip, kásibı biliktiligin arttyrýǵa múmkindikteri bar.