«Qoljetimdi baspanany» júzege asyrýdy 31 jastaǵy azamat uıymdastyrǵan.
Ony Naýryzbaı aýdanynyń polısıa qyzmetkerleri ustady, dep habarlaıdy Almaty-akshamy.kz Polisia.kz-ke silteme jasap.
«31 jastaǵy B. esimdi azamat, aqsha tabýdyń josparyn oılap tapqan. Ol memlekettik baǵdarlama boıynsha páterlerdi satý týraly aqparat taratqan. Aldyn ala tólem somasy qoljetimdi bolǵan – 50-den 300 myń teńgege deıin. Al, tıisinshe, qymbat emes baspanany alǵysy keletinder de jetkilikti bolǵan. Biraq aqshany alǵannan keıin "isker" azamat baılanysqa shyǵýdy toqtatqan. Bizdiń bólimsheniń krımınaldyq polısıa bóliminiń qyzmetkerleri kúdiktini anyqtady jáne ustady. Atalǵan derek QR QK-niń 190-baby 3-bóligine (Alaıaqtyq) sáıkes qylmystyq is qozǵaldy. Tergeý barysynda ustalǵan azamattyń osyǵan uqsas 10 epızodqa qatystylyǵy anyqtaldy», – dedi Naýryzbaı aýdandyq polısıa basqarmasynyń bastyǵy Muhamedáli Seısenuly.
Tergeý barysynda kúdiktige qatysty qamaýǵa alý túrindegi bultartpaý sharasy tańdaldy. Ol ýaqytsha ustaý ızolátoryna qamaldy.
«Aldanǵan adamdar odan da kóp bolýy múmkin. Osy oraıda azamattardy osy adamnyń sýretine muqıat qarap, ony tanyǵan jaǵdaıda myna telefondar arqyly habarlasýǵa shaqyramyz: 8-707-447-07-50; 8-701-707-77-10; 8-747-699-70-02», – dedi, M.Seısenuly.