Almatynyń salyq tóleýshilerine 2023 jyly ne ózgergeni aıtyldy
Almaty qalasy boıynsha Memlekettik kirister departamentiniń memlekettik qyzmetter basqarmasynyń basshysy Baqytgúl Seıitova Óńirlik komýnıkasıalar qyzmeti alańynda ótken brıfıńke qatysty, onda ol ózderiniń vedomstvosy «Salyq tóleýshi kóp bilgen saıyn jiberetin qatelikteri az bolady!» degen urandy ustanatynyn atap ótti. Ol 2023 jyldyń basynda kúshine engen ózgerister týraly aıtyp berdi, dep habarlaıdy Almaty-akshamy.kz.
Salyq kodeksine shaǵyn bıznes sýbektileri úshin arnaýly salyq rejımin qoldaný kezinde ruqsat etilmegen qyzmet túrleriniń tizbesin tolyqtyrý bóliginde túzetýler engizildi.
2023 jylǵy 1 qańtardan bastap shaǵyn bıznes sýbektileri úshin ASR (arnaıy salyq rejımi) qoldaný kezinde ruqsat etilmegen qyzmet túrlerin tolyqtyrý bóliginde Salyq kodeksiniń normasy kúshine endi.
Bul tizbeni tolyqtyrý, eń aldymen, bıznesti bólshekteý jolymen salyqtyq ońtaılandyrý sqemalarynyń aldyn alý (onyń ishinde qosalqy jaldaý tetigin paıdalana otyryp), onyń ishinde jeńildetilgen deklarasıa negizinde arnaýly salyq rejımderin qoldaný maqsattarymen baılanysty.
Shaǵyn bıznes sýbektileri úshin ASR qoldaný boıynsha shekteý mynandaı qyzmet túrlerine qoldanylady:
- marketıńtik qyzmetterdi;
- saýda obektilerin jalǵa berý jáne paıdalaný jónindegi,
- saýda bazarlaryna jatatyn saýda obektilerin, saýda alańy bes júz sharshy metrden asatyn stasıonarlyq saýda obektilerin, sondaı-aq olardyń aýmaǵyndaǵy saýda oryndaryn, saýda obektilerin jáne qoǵamdyq tamaqtaný obektilerin qosalqy jalǵa berý;
- eki jáne odan da kóp salyq tóleýshilerdiń qonaq kútý qyzmetter kórsetiletin bir qonaq úıdiń nemese jeke turǵan turǵyn emes ǵımarattyń aýmaǵynda qonaq úı qyzmetterin usyný salasyndaǵy qyzmetke qoldanylatyn bolady.Saýda alańy bes júz sharshy metrden kem stasıonarlyq saýda obektilerine jatatyn, saýda obektilerin qosalqy jalǵa beretin salyq tóleýshiler, ony qoldanýdyń qalǵan sharttaryna sáıkes kelgen kezde shaǵyn bıznes sýbektileri úshin arnaýly salyq rejımderin qoldanýǵa quqyly.
Tıisinshe, shekteýler engizilgen joǵaryda atalǵan qyzmet túrlerin júzege asyratyn kásipkerler 2023 jyly 1 qantardan bastap jalpyǵa birdeı belgilengen salyq salý tártibine kóshýge tıis.
Shaǵyn bıznes sýbektileri úshin ASR qoldanýǵa tyıym salynǵan qyzmet túrleri
- Qazaqstan Respýblıkasynyń saýda qyzmetin retteý týraly zańnamasyna sáıkes saýda bazarlaryna, 1, 2 jáne 3-sanattaǵy stasıonarlyq saýda obektilerine jatatyn saýda obektilerin, sondaı-aq olardyń aýmaǵyndaǵy saýda oryndaryn, saýda obektilerin jáne qoǵamdyq tamaqtaný obektilerin, sondaı-aq osyndaı qyzmetter kórsetiletin bir qonaq úıdiń nemese jeke turǵan turǵyn emes ǵımarattyń aýmaǵynda qonaq úı qyzmetterin usyný salasyndaǵy eki jáne odan da kóp salyq tóleýshilerdiń qosalqy jalǵa berý jónindegi qyzmet túrlerin júzege asyratyn salyq tóleýshiler, shaǵyn bıznes sýbektiler úshin ASR qoldanýǵa quqyǵy joq ekeni kózdeletin 683-baptyń 2-tarmaǵy 3) tarmaqshasynyń on tórtinshi abzasyna ózgertý engizildi (2023 jylǵy 1 qańtardan bastap qoldanysqa engiziledi);
- mobıldi qosymshany paıdalana otyryp jáne tirkelgen shegerimdi paıdalana otyryp patent negizinde úsh túrli ASR eseptelgendikten, redaksıany naqtylaý boıynsha Salyq kodeksiniń 684-baby 1-tarmaǵynyń birinshi bóligine ózgertý engizildi (2023 jylǵy 1 qańtardan bastap qoldanysqa engiziledi).
- Arnaıy mobıldi qosymshany paıdalana otyryp, arnaıy salyq rejımin qoldanýdyń bastalý kúni arnaıy mobıldik qosymshany paıdalana otyryp, ASR qoldaný bastalǵan kún, qoldanylatyn salyq salý rejımi týraly habarlama berilgen kún bolyp esepteletinin naqtylaýdy kózdeıtin Salyq kodeksiniń 679-babynyń 8-tarmaǵy 2-1) tarmaqshamen tolyqtyryldy.
Chek berý jónindegi fýnksıonaldy paıdalaný boıynsha
ońaılatylǵan deklarasıa negizinde ASR qoldanatyn jeke kásipker, kásipkerlik qyzmetti júzege asyrý kezinde mobıldi qosymshanyń fýnksıonaldyǵyn paıdalanýǵa, atap aıtqanda chek berý jónindegi fýnksıonaldy paıdalanýǵa quqyly, naqtylaýdy kózdeıtin Salyq kodeksiniń 686-1-babynyń 2-tarmaǵyna, 3-tarmaǵynyń 5), 6), 7), 8) jáne 9) tarmaqshalaryna, 4-tarmaǵynyń birinshi bóligine jáne 8-tarmaǵyna ózgerister engizildi (2023 jylǵy 1 qańtardan bastap qoldanysqa engiziledi.
«Sıfrlyq tehnologıalardy engizý biz úshin basymdyq bolyp tabylady. Barlyq qyzmet salalarynda prosesterdi avtomattandyrý boıynsha júıeli jumystar júrgizilýde. Búgingi tańda Almaty qalasy boıynsha Memlekettik kirister departamenti jeke jáne zańdy tulǵalarǵa Memlekettik kirister komıtetimen bekitilgen 43 memlekettik qyzmettiń 20 túrin kórsetedi. Máselen, 2022 jyly 3169 myńǵa jýyq memlekettik qyzmet kórsetilse, onyń 99,5 paıyzy elektrondy túrde bolsa, aǵymdaǵy jyldyń qańtar aıynda elektrondyq qyzmetterdiń úlesi 99,7 paıyzǵa deıin ósti. Bul rette azamattardyń zamanaýı suranystaryn eskere otyryp, smartfondar arqyly memlekettik qyzmetterdiń qoljetimdiligin qamtamasyz etý jumystary júrgizilýde», - dedi B.Seıitova.
Dál osy máseleniń sheshimin "E–Salyq Azamat" jáne "E-Salyq Business" mobıldi qosymshalaryn paıdalaný arqyly tabýǵa bolady. Jeke kásipkerlerge "E-Salyq Business" qyzmetin paıdalanýǵa múmkindik berildi.
Bul qosymshalar kóptegen fýnksıalardy qamtıdy, jáne mol artyqshylyqtary bar. Sonymen qatar, jeke tulǵalarǵa da jáne jeke kásipkerlerge de óz salyq mindettemelerin oryndaýyn jeńildetýge arnalǵan. E-Salyq Azamat onlaın rejımde múlik, jer, kólik salyqtary boıynsha bereshekti (artyq tólemdi) jáne aldaǵy tólemderdi kórsetedi jáne tólem júrgizýdi usynady. Júrgizilip jatqan jumystar salyq tóleýshilerden túsetin shaǵymdardy azaıtýǵa jáne jumys prosesterin avtomattandyrýǵa baǵyttalǵan.
Sondaı-aq, kásipkerlik sýbektileriniń quqyqtaryna nuqsan keltirý men zańdy qyzmetke kedergi keltirýge jol bermeý maqsatynda kóptegen sharalar qabyldanýda.