Almatyda «Mektepke jol» aksıasy aıasynda Nur Otan partıasynyń Almaty qalalyq fılıaly qaıyrymdylyq kórsetýdi bastady
«Bul aksıa 2008 jyldan bastap elimizdiń barlyq óńirlerinde jyl saıyn ótkizilip keledi, onyń bastmashysy Elbasy, Partıa kóshbasshysy Nursultan Nazarbaev boldy. Bıylǵy jyl biz úshin de ońaı bolmady, sondyqtan ta áleýmettik osal sanattaǵy almatylyq oqýshylarǵa qoǵam jáne partıa belsendileri men mesenattardy tarta otyryp járdem jasalmaq. Bul aksıa elimizdiń Táýelsizdiginiń 30 jyldyǵy aıasynda ótedi jáne mektep oqýshylaryn patrıottyq tárbıeleýdiń bir bóligi», - dedi partıanyń Almaty qalalyq fılıaly tóraǵasynyń birinshi orynbasary Qaırat Bısembaev.
Bıyl qaıyrymdylyq aksıasy Nur Otan partıasynyń belsendileri men qalalyq máslıhat depýtattarynyń qoldaýymen ótedi. Partıanyń qalalyq fılıaly mektepke qajetti quralmen jabdyqtalǵan 3000-ǵa jýyq sómke almatylyq oqýshylarǵa tabystaıdy.
Osy oraıda mesenat, qalanyń belsendi turǵyny, máslıhat depýtaty Erbolat Qasymov 100-den astam otbasyǵa mektep quraldaryn, otandyq óndirýshiniń mektep formasyn satyp alýǵa sertıfıkat berý týraly sheshim qabyldady.
Jańa oqý jylyna arnalǵan syılyqtar turǵyndarǵa sanıtarlyq erejelerdi saqtaı otyryp, birtindep beriledi.