Orta bilim beretin mektepteriniń sany 280-nen asty, al balabaqsha sany 860-qa jetken.
Shaharda orta bilim beretin mektepter men balabaqsha sany artyp keledi. Bul týraly qala jetekshisi Baqytjan Saǵyntaev 25 tamyzda ótken «Almatyda bilim berý forýmy 2021» barysynda aıtty,dep habarlaıdy Almaty-akshamy.kz.
Osy jyl sońyna deıin Almatyda 48 áleýmettik nysannyń qurylysyn aıaqtaý josparlanyp otyr. Onyń ishinde 38 nysannyń qurylysy júrip jatyr, al onyna seısmıkalyq kúsheıtý men kúrdeli jóndeý júrgizilip jatyr.
«Orta bilim beretin uıymdardyń jelisi ulǵaıyp, búgingi kúni olardyń sany 280-nen asty.Taza qazaq tilinde bilim beretin mektepter sany 70-ke jetti. Balabaqshalar sany da artyp keledi. 1990 jyldary qalada 362 balabaqsha bolsa, qazirgi kezde olardyń sany 860-qa jetken. Mundaı salystyrýlar qalamyzdyń turaqty damyp kele jatqanyn kórsetedi jáne bilim salasy basty nazarda bolatynyn dáleldeıdi. Jańa oqý jyldaryńyz qutty bolsyn! Barlyq muǵalimderge sińirgen eńbekteriniń, balalarǵa bergen ólshýsiz bilimderińiz ben qamqorlyqtaryńyz úshin alǵys bildiremin!» - dedi qala ákimi.
