Almatyda 2023 jyly 8,3 myńnan astam oqýshyny mektep avtobýstary tasymaldaǵan, dep habarlaıdy almaty-akshamy.kz.
«Mektep avtobýsy» jobasy aıasynda 2023 jyldyń qorytyndysy boıynsha megapolıste 30 mektepten 8,3 myń oqýshyny 97 jańa avtobýs tasymaldady. Bul týraly Almaty máslıhatynyń kezekti HİH sesıasynda qalalyq qarjy basqarmasynyń basshysy Qanat Sýhambekov málimdedi.
Esterińizge sala keteıik, Almaty qalasy ákiminiń tapsyrmasy boıynsha oqýshylardy tasymaldaýdyń jaılylyǵy men qaýipsizdigin arttyrý maqsatynda 2023 jyldan bastap ákimdiktiń jobalyq ofısiniń qoldaýymen «Mektep avtobýsy» jobasy iske asyrylýda. Joba mektepterden alys turatyn tómegi synyp oqýshylaryn qamtıdy. Ony júzege asyrý úshin qala 2023 jyly 100 arnaıy avtobýs satyp aldy. Aǵymdaǵy jyly taǵy 100 avtobýs satyp alyp, megapolıstiń qosymsha 27 mektebin qamtý josparlanýda.