Balalar hospısiniń qaterli isikke shaldyqqan balalarǵa kómektesýge bolady.
8 shildede Almatyda onkologıalyq aýrýǵa shaldyqqan balalardy qoldaýdyń "Zdorovaıa Azıa" qoǵamdyq qory Ergopack jáne «Kóktem» kompanıalarymen birlesip «Meıirimdi ónim» qaıyrymdylyq jobasyn bastady, dep habarlaıdy Almaty-akhamy.kz.
Budan bylaı sýpermarketterden ónim satyp alýda "Men senimen birgemin" balalar hospısiniń qaterli isikke shaldyqqan balalarǵa kómektesýge bolady.
Jobany uıymdastyrýshylardyń biri Marıa Ledáeva koronavırýs indeti álemniń ár eli úshin qıyn synaqqa aınalǵanyn málimdedi.
«Pandemıa – qaıyrymdy jandar tarapynan jasalatyn izgi bastamalardyń artýyna serpilis berdi. Biz onkologıalyq aýrýǵa shaldyqqan balalar hospısine kómek qajet ekenin bildik, óıtkeni karantın olardyń qarjylyq jaǵdaıyn qıyndatty. Onyń ústine, hospıste turaqty turatyn jáne hospıstiń ońaltý bólimine tirkelgen, sondaı-aq jyljymaly qyzmettiń turaqty medısınalyq baqylaýyndaǵy balalarǵa medısınalyq qoldaý qajet. Hospıste qarjylyq kómeksiz sheshilmeıtin aı saıynǵy qajettilikter bar. Sondyqtan osy aksıany uıymdastyryp, olarǵa qoldaý kórsetýdi uıǵardyq. Aksıaǵa "Melochı jıznı" men "STR8" saýda markalary da qatysady», – dedi Marıa Ledáeva.
Osy saýda markalarynyń taýarlaryn satyp alyp, megapolıstiń árbir turǵyny túsimnen túsken qarajattyń bir bóligi aýrý balalarǵa kómektesýge jumsalatynyna senimdi bola alady. Bul rette ónimdi únemdeýge jáne aksıalyq taýardy 45% deıin jeńildikpen satyp alýǵa bolady.
Almatyda 8 shildeden bastap naýqanǵa "A-Store" ("ADK” SOCO), “Cosmart” (dúkender jelisi) jáne Carefood sýpermarketi men dúkenderi qosyldy. 15 shildeden bastap sórelerde "Dobryı prodýkt" aksıasy "Sabyrjan" (Toımart), "Magným" men Small jelilerinde 21 shildeden bastalady.
Marıanyń aıtýynsha, ol keshe ǵana @detskyhospis balalar hospısinde bolǵan (ınstagramdaǵy paraqsha). Qazirgi ýaqytta stasıonarda 40 kúnnen 13 jasqa deıingi 6 bala aýyr halde jatyr. Em alyp jatqan jaǵdaıy aýyr naýqas pen remısıa jaǵdaıyndaǵy balalar da bar. Olar hospıstiń emdelý bóliminde.
«Meniń oıymsha, qazir balalar hospısiniń ońaltý bóliminde 12 bala bar. Keıbir balalar úıde táýlik boıy jumys isteıtin medısınalyq toptyń baqylaýynda. Olar da qarjylyq qoldaýdy qajet etedi. Sondaı-aq kóshpeli qyzmettiń turaqty qamqorlyǵynda 320 bala bar. Balalar hospısiniń mısıasy - búldirshinderge qaıǵy-qasiretsiz jarqyn ómir syılaý. Munda balalarǵa ómiriniń qalǵan kúnderin qýanyshpen ótkizý úshin barlyq kúsh-jiger men qamqorlyq kórsetiledi. Almatynyń turǵyndary men onyń qonaqtary naýqas jandarǵa kómek beretinine senemin. Sondaı-aq basqa kompanıalar da bizge qoldaý kórsetedi dep úmittenemiz. Jaqsylyq jasaý ońaı», – deıdi Marıa Ledáeva.
Aıta keterligi, uıymdastyrýshylar iri saýda jelilerin qaıyrymdylyq aksıasyna qoldaý bildirip, atsalysýǵa shaqyrady. Aksıa Nur-Sultan, Taraz, Shymkent, Qaraǵandy, Petropavl, Óskemendegi saýda jelilerin qamtıdy.
Aksıa týraly jáne qaıyrymdylyq sharany qoldaǵan dúkender jelisi týraly tolyq aqparat @melochi.zhizni.kz jáne @str8_kazakhstan áleýmettik jelilerdegi resmı paraqshalarda jarıalanǵan.