Almatyda 50 otbasyǵa arnalǵan «Meıirim mekeni» dep atalatyn ortalyq paıdalanýǵa berildi. Ǵımarat jeke kásipkerdiń qarjysyna salyndy, dep habarlaıdy Almaty-akshamy.kz 24 kz silteme jasap.
Bul úıde qıyn jaǵdaıǵa tap bolǵan otbasylar men jalǵyzbasty analar tegin turady. Komýnaldyq tólemge deıin kásipkerdiń ózi tóleıdi.
Ǵımarat úsh jyl ishinde boı kóterdi. Ony salǵan kásipkerdiń anasynyń aıtýynsha, muqtaj jandarǵa kómek kórsetý otbasynyń ortaq sheshimi eken.
«Meıirim mekeninen» kimderge oryn beriletinin Qazaqstan musylmandary dinı basqarmasynyń janynan qurylǵan komısıa sheshedi. Áýeli 5 jylǵa kelisimshart jasalady. Turǵyndar osy ýaqyt ishinde jumys istep, jaǵdaıyn túzeýge umtylýy tıis.
«Meıirim mekeni» úıinde turmysqa qajetti dúnıeniń bári bar. Tósek-oryn, ydys-aıaq, turmystyq tehnıkalyq zattar da alynǵan. Buǵan qosa aptasyna eki ret ózge de kásipkerlerdiń demeýshiligimen azyq-túlik taratylady.