Qoǵamdyq densaýlyq saqtaý basqarmasy meıirbıke qyzmetkerleriniń biliktiligin arttyrýǵa qoldaý kórsetedi
Bul týraly ÓKQ alańynda meıirbıke isin damytý jónindegi úılestirýshisi, №18 qalalyq emhanasy meıirbıke isiniń ardageri Maııa Ababkova men úılestirý keńesi tóraǵasynyń orynbasary, Almaty qalasy qoǵamdyq densaýlyq saqtaý basqarmasynyń shtattan tys bas meıirbıkesi, №10 qalalyq emhananyń bas meıirbıkesi Gúlnár Qojaqanova aıtyp berdi, dep habarlaıdy Almaty-akshamy.kz.
12 mamyr - Halyqaralyq meıirbıke kúnine oraı Almaty qalasynda birqatar is-sharalar, onyń ishinde ǵylymı konferensıalar, baıqaýlar jáne t.b. uıymdastyrylýda.
«Ataýly kúnge oraı bizde kóptegen is-sharalar ótkizilýde. Mysaly, 20 mamyrǵa «Ana men bala» konferensıasy josparlanǵan. Aýdandyq deńgeıde medısınalyq mekemeler arasynda baıqaýlar ótkizilip, qalalyq kezeńniń jeńimpazdary erteńgi merekelik keshte marapattalatyn bolady», - dedi óz kezeginde G. Qojaqanova.
Spıker medısına qyzmetkerlerin daıyndaýda olardyń úzdiksiz kásibı bilim alýyna úlken kóńil bólinetinin atap ótti. Osy maqsatta Almaty qalasy Qoǵamdyq densaýlyq saqtaý basqarmasy meıirbıke qyzmetkerleriniń biliktiligin arttyrýǵa qoldaý kórsetedi.
«2022 jyly qalanyń 10 bas meıirbıkesi tájirıbe almasý maqsatynda Izraıl memleketine bardy. Onda biz aýrýhanada qyzmet kórsetý daǵdylaryn ıgerdik. Biz alǵan tájirıbeni pılottyq joba retinde osynda engizýdemiz», - dep qosty ol.
Óz kezeginde ardager meıirbıke Maııa Ababkova, densaýlyq saqtaý salasynda meıirbıke róliniń aıtarlyqtaı artyp, jumystyń 80% astamy oǵan júkteletinin aıtty.
«Menińshe, bizdiń qazaqstandyq, almatylyq densaýlyq saqtaý salasynyń jetistikterine medbıkelerdiń qosqan úlesin asyra baǵalaý múmkin emes. Osydan birneshe jyl buryn bul mamandyqtyń negizi nede dep menen suraǵan jaǵdaıda, men meıirimdilik der edim. Biraq búgingi tańda men onyń negizinde únemi shyńdalý arqyly ǵana keletin kásibılik dep aıtar edim», - dep bólisti ol.
Spıkerler aqparaty boıynsha, Almaty qalasynda 18 myń meıirbıke bolsa, olardyń 4800-den astamy joǵary bilimdi. Qalada sonymen qatar meıirbıkeler qaýymdastyǵy da bar.