Almatyda VIII saılanǵan máslıhattyń kezekten tys HHİ sesıasy ótip, onda depýtattar «Almaty qalasynyń medısınalyq-sanıtarlyq alǵashqy kómektiń biryńǵaı standarty» baǵdarlamasyn qabyldady. Bul shara Almaty qalasynyń densaýlyq saqtaý júıesin tıimdi damytýǵa baǵyttalǵan, dep habarlaıdy almaty-akshamy.kz
Jobanyń negizgi baǵyttary
Almaty qalasynyń densaýlyq saqtaý júıesi úshin basty basymdyq - tıimdi medısınalyq-sanıtarlyq alǵashqy kómekti (MSAK) damytý. Megapolıste 1,8 mln adamǵa 40 memlekettik emhanada, al 517 myń adamǵa 36 jeke emhanada qyzmet kórsetiledi. Balalar men qarttar sıaqty tutynýshylar kóp turatyn jerde medısınalyq qyzmetke júginýshiler sanynyń turaqty túrde ósip otyrǵany baıqalady. Bul densaýlyq saqtaý ınfraqurylymyna, ásirese shamadan tys júktelgen MSAK uıymdaryna úlken áserin tıgizedi.
«Almaty qalasyn damytýdyń 2025 jylǵa deıingi baǵdarlamasy jáne 2030 jylǵa deıingi orta merzimdi perspektıvalardy iske asyrý aıasynda Almaty qalasynyń ákimdigi Jol kartasyn bekitti. Bul karta «Inklúzıvti orta, bilim berý jáne medısına» baǵyty boıynsha ambýlatorıalyq-emhanalyq kómekti damytýdaǵy keshendi tásildi qamtamasyz etý úshin ázirlengen», - dep atap ótti Almaty qalasy Qoǵamdyq densaýlyq saqtaý basqarmasynyń basshysy Iran Shametekov.
Biryńǵaı standart aıasynda kózdelgen sharalar
- Jobalyq-tehnologıalyq sheshimderge, medısınalyq qyzmet kórsetý reglamentterine, menedjment pen sıfrlandyrýǵa kózqarastardy birizdendirý jáne standarttaý.
- Qalanyń polısentrıstik damý qaǵıdattaryna, halyq úshin «qadamdyq» qoljetimdilik qaǵıdattaryna sáıkes emhanalar salý.
Josparlanǵan ınfraqurylymdyq jobalar
- 2024 jyly memlekettik menshiktegi 13 MSAK medısınalyq nysandarynyń qurylysy men kúrdeli jóndeýin aıaqtaý.
- 2027 jyly memlekettik menshiktegi MSAK-tyń 49 medısınalyq nysandaryn jobalaý, salý jáne kúrdeli jóndeýdi aıaqtaý.
- Jeke menshik nysanyndaǵy 36 emhanany kúrdeli jóndeý.
MSAK uıymdarynyń úsh deńgeıli qurylymy
- Aýysymyna 200 adam qabyldaıtyn medısınalyq-sanıtarlyq alǵashqy kómek ortalyǵy (bekitilgen halyq sany 5 000-nan 30 000 adamǵa deıingi aýmaqtyq qyzmet kórsetý aımaǵy sheginde). Jalpy aýdany 4000-nan 5800 m²-ge deıin.
- Bir aýysymda 300 adam qabyldaıtyn qalalyq emhana (bekitilgen halyq sany 30 myńnan astam). Jalpy aýdany 6800-den 8500 m²-ge deıin.
- Bekitilgen halyq sany 50 myńnan asatyn aýysymda 500 adam qabyldaıtyn klınıkalyq-dıagnostıkalyq ortalyqtary bar qalalyq emhana. Jalpy aýdany 7000-nan 10000 m²-ge deıin.
- Dárigerlik qyzmetkerlerge júktemeni azaıtý jáne dárigerdi kúndelikti jumystan bosatý maqsatynda belgili ókilettikterdi joǵary bilimi bar meıirbıkege berý.
- Kóshpeli brıgada arqyly MSAK-tyń úıde qyzmet kórsetý fýnksıasyn ońtaılandyrý.
- Medısınalyq qyzmetterdiń sapasyn baqylaý (syrtqy jáne ishki).
Bul standart pasıentterge kútim jasaý deńgeıin arttyryp, emdeý nátıjesin jaqsartady jáne medısınalyq uıymdardyń damýyna yqpal etedi.