Qulaǵan tastardyń zardabyn joıý boıynsha júrgizilgen jumystarǵa qatysty «Medeý-SHymbulaq» avtojolymen ótýdiń rejımi belgilendi, dep habarlaıdy Almaty-akshamy.kz
2023 jyldyń 1 qarashasynda aspaly jol iske qosylǵanǵa deıin elektromobılder men taksı júrgizýshileri kire alady, sondaı-aq jaıaý júrginshiler úshin kelesi saǵattarda kirý qoljetimdi bolady: 09.00-ge deıin, 12.00-den 14.30-ǵa deıin jáne 18.00-den keıin.
Aspaly jol iske qosylǵannan keıin (1 qarashadan bastap) elektr kólikteri men taksı júrgizýshilerine saǵat 09.00-ge deıin jáne saǵat 18.00-den keıin kirýge ruqsat etiledi. 13.00-den 14.00-ge deıingi kezeńde tehnıkalyq qyzmetterdiń arnaıy kóligi úshin tek kirýge ruqsat etiledi. Sonymen qatar, stýdenttik soqpaq arqyly jaıaý serýendeýge bolady. Qozǵalysty shekteýdiń belgilengen kestesi aǵymdaǵy jyldyń 1 jeltoqsanyna deıin jalǵasady. Onyń ózgergeni týraly qosymsha habarlanady.
Eske salsaq, aǵymdaǵy jyldyń 25 qazanynan bastap «Medeý-SHymbulaq» jolyndaǵy qulaǵan tastarǵa qatysty jumystar bastalǵan edi. Qazirgi ýaqytta avtokólik pen jaıaý júrginshilerdiń qozǵalysy shekteýli.
Joba aıasynda qulaǵan tastardy tómen túsirý jáne barerlerdi (kedergilerdi) tazartý jumystary júrgizilýde. Jumystyń negizgi túrleri (betkeılerdi burǵylaý jáne nyǵaıtý) kelesi jylǵa josparlanǵan. Budan basqa, 2024 jyldyń kókteminde nóser júıesin salý jáne jol tósemin jóndeý jumystaryn júrgizý josparlanýda.