Jóndeý jumystaryn júrgizýge baılanysty Kereı-Jánibek handary kóshesinde kólik qozǵalysyna ýaqytsha shekteý engiziledi, dep habarlaıdy aqshamnews.kz
5 qyrkúıek saǵat 23:00-den 6 qyrkúıek 06:00-ge deıin «Samal» qonaq úıinen selden qorǵaý qurylymdary men «Ekobeket» aıaldamasyna deıingi aýmaqta qozǵalys jabylady.
Aıta keteıik, osy kósheniń taǵy 2 shaqyrymyn jóndeý josparlanǵan. Jabylatyn kúni men ýaqyty qosymsha habarlanady.
Jóndeletin aýmaqta eskertý belgileri, merdiger uıym basshysynyń baılanys nómiri jazylǵan stendter qoıylady.
Esterińizge sala keteıik, qozǵalysty shekteýge qatysty barlyq aqparat Almaty.kz saıtynda, @AlmatyJoly Telegram arnasynda, aýdandyq ákimdikter men basqarmalardyń áleýmettik jelilerinde, sondaı-aq 2GIS pen «Iandeks kartalar» servısterinde jazylǵan.
