Almaty qalasynyń Qylmystyq-atqarý júıesi departamentine qarasty №11 mekemesinde kámeletke tolmaǵan jazasyn óteýshi jasóspirimdermen «Qaqpa aldynda kezdesý» jobasy aıasynda qalalyq Eńbek mobıldigi ortalyǵynyń ókilderi Nazgúl Saıynqyzy men Raıymbek Qanatuly kezdesý ótkizdi.
Bıyl jyl basynan beri atalǵan mekemede jazasyn ótegen 4 bozbala bas bostandyǵynan aıyrylǵan merzimi aıaqtalyp, bosatyldy. Olarǵa «Qaqpa aldyndaǵy kezdesý» joba aıasynda kómek kórsetiletini tolyq túsindirilgen.
Qazirgi ýaqytta qylmystyq-atqarý júıesi mekemelerinen bosatylǵan adamdardy áleýmettendirý, qylmystyń qaıtalanbaýyn boldyrmaý úshin júıeli is-sharalar qolǵa alynǵan.
Mansap oratalyǵynyń adamdardyń jekelengen sanattarymen jumys jónindegi bólim mamany Nazgúl Sarsebaeva bosatylǵan sottalǵandarǵa qysqa merzimdi kásiptik bilim alýǵa, turaqty jumys tabýǵa bolatyny jáne áleýmettik kómek kórsetiletini týraly jan-jaqty túsindirdi.
Al jumys izdenýshiler bóliminiń mamany Raıymbek Qanatuly jazasyn ótep shyqan sottalǵan jasóspirimderge áleýmettik beıimdeý baǵdarlamasyn túsindirip ótti. Áleýmettik jaǵdaıy tómen jumyssyz jastarǵa qoǵamda óz ornyn taýyp ketýine kómek kórsetiletini jaıynda aıtyldy.