Bostandyq aýdanynyń turǵyndaryn úzdiksiz sýmen jáne sý burýmen qamtamasyz etý úshin 2025 jyldyń sońyna deıin 4 kóshede 6,2 km ınjenerlik jeli salý jumystaryn aıaqtaý josparlanýda. Bul týraly Almaty qalasynyń ákimi Erbolat Dosaev aýdan turǵyndarymen kezdesý barysynda málimdedi, dep habarlaıdy aqshamnews.kz
2024 jyly Bostandyq aýdanynda 9 kóshede 8,9 km ınjenerlik jeli qaıta jańartyldy.
«Tirshilikti qamtamasyz etý júıesin jańartý jáne ınjenerlik ınfraqurylymdy damytý bizdiń jumysymyzdyń basym baǵyttary bolyp tabylady», - dep atap ótti Erbolat Dosaev.
Onyń aıtýynsha, ınjenerlik ınfraqurylymdy keshendi damytý aıasynda jáne aýdannyń ońtústik bóliginiń 25 myńnan astam turǵynyn turaqty sýmen jáne sý burýmen qamtamasyz etý úshin 2025 jyldyń mamyr aıynda ónimdiligi táýligine 9 myń tekshe metr bolatyn «Ermensaı» sý qoımasyn salý boıynsha aýqymdy jobany iske asyrýdy bastaý josparlanýda. Jumystardy aıaqtaý 2026 jyldyń sońyna josparlanǵan.
Nurlytaý sh/a 62 km sýmen jabdyqtaý jáne 34 km sý burý jelilerin salý jónindegi jobanyń memlekettik saraptamasy shyǵady dep kútilýde.
Jalpy Almaty qalasy boıynsha 2025 jyly 260 km Qurylys jáne 87 km jelini jańǵyrtý josparlanǵan.