Almatynyń Jetisý aýdanynda 80-jyldardyń basynda salynǵan magıstraldyq qubyr aýystyrylady, dep habarlaıdy Almaty-akshmy.kz
Almaty qalasynyń Jetisý aýdanyndaǵy Aınabulaq-2 shaǵynaýdanynda jylý jelilerin qaıta jańartý jumystary júrgizilýde. Joba 2,1 shaqyrym magıstraldyq qubyrlardy aýystyrýdy qamtıdy. Bul jumystar 2022 jyly bastalyp, 2024 jyldyń qyrkúıeginde aıaqtalady dep josparlanǵan.
Joba aıasynda 80-jyldardyń basynda salynǵan, sońǵy 10 jylda 36 márte zaqymdalǵan magıstraldyq qubyrlar jańartylatyn bolady. Bul qubyrlar Aınabulaq-2 shaǵynaýdanynan Pavlodar kóshesine deıin, Jumabaev jáne Maqataev kóshelerine deıingi aýmaqty qamtıdy. Jańartý jumystary nátıjesinde 344 kóppáterli turǵyn úı, 11 mektep, 3 densaýlyq saqtaý mekemesi jáne 483 basqa da obekt jylýmen úzdiksiz jáne sapaly qamtamasyz etiledi.
Jetisý aýdanyndaǵy turmys sapasyn saqtaý maqsatynda, merdiger ýaqytsha qubyr ornatý arqyly jergilikti halyqqa ystyq sý usynady. Jylý trassasyn rekonstrýksıalaýdyń sońǵy kezeńinde, Aınabulaq-2 shaǵynaýdanyndaǵy 32A úıden Jumabaev kóshesine deıingi aleıa boıynsha jaıaý júrginshiler qozǵalysy ýaqytsha ózgeredi. Aleıanyń ortalyq bóliginiń eki jaǵynda jaıaý júrginshilerge arnalǵan jol ashyq bolady. Qorshaý ornatý jumystary 26 mamyrda bastalady.
Jobada balalar men sport alańdaryn qosa alǵanda, buryn ornalasqan shaǵyn ınfraqurylymy bar jol tósemi men jaıaý júrginshiler aleıasyn qalpyna keltirý kózdelgen.
"SAPA Qurylys 2007" JSHS merdigerlik uıymy Jetisý aýdanynda jalpy uzyndyǵy 5,9 km jelini qaıta jańartý jumystaryn atqarady. Almaty qalasynyń ákimi Erbolat Dosaevtyń tapsyrmasy boıynsha 2024 jyly uzyndyǵy 20 km bolatyn 23 jylý jelileriniń obektilerin qaıta jańartý júrgiziledi, bul jelilerdiń tozý paıyzyn 1,8%-ǵa tómendetýge múmkindik beredi.
Ýaqytsha qolaısyzdyqtarǵa túsinistikpen qaraýdy suraımyz.
«Almaty jylý jelileri» JSHS