Ol – Leon Bernar premıasyn ıelengen 29 adamnyń biri, Orta Azıadaǵy osy syılyqtyń alǵashqy ıegeri.
Qazaq medısınasynyń ańyzy – Tóregeldi Sharmanov ómirden ótti, dep habarlaıdy Almaty-akshamy.kz
Qazaqstan taǵamtaný akademıasynyń prezıdenti, belgili dıetolog Tóregeldi Sharmanov 94-ke qaraǵan shaǵynda dúnıeden ótti.
Tóregeldi Sharmanuly 19 qazan 1930 jyly Qaraǵandy oblysy, Ulytaý aýdanynda týǵan. 1949 jyly mektepti bitirisimen Qaraǵandy memlekettik medısınalyq ınstıtýtyna oqýǵa túsip, óte jaqsy kórsetkishpen aıaqtap shyqty. 1955-1958 jyldary Qaraǵandy memlekettik medısınalyq ınstıtýtynnyń asperantýrasyn jaqsy nátıjede bitirgen.
1967 jyly «Medısına ǵylymdarynyń doktory» ǵylymı ataǵy; 1968 jyly profesor; 1994 jyldan bastap Qazaqstan Respýblıkasynyń Ulttyq ǵylym akademıasynyń akademıgi; Reseı Medısına Ǵylym Akademıasynyń akademıgi ataqtaryn alǵan.
Tóregeldi Sharmanov 12 jyl densaýlyq saqtaý mınıstrligin basqaryp, medsanıtarlyq kómek júıesin engizgen.