Almatyda mádenıet jáne óner qaıratkerlerine memlekettik nagrada tabystaldy
Almatydaǵy Respýblıka saraıynda mádenıet jáne óner qyzmetkerleri kúnine arnalǵan saltanatty shara ótti. Mádenıetti damytýdaǵy eleýli eńbegi úshin 50-den astam shyǵarmashylyq sala ókiline memlekettik nagrada tabystaldy.
Qazaqstan Respýblıkasy Prezıdenti Qasym-Jomart Toqaevtyń Jarlyǵyna sáıkes, Almaty qalasy mýzeıler birlestiginiń ǵylymı qyzmetkeri Erbolat Áýezov «Parasat» ordenimen marapattaldy. «Qurmet» ordeni Ortalyqtandyrylǵan kitaphana júıesi fılıalynyń meńgerýshisi Qýanysh Isabekovaǵa, «IL CANTO» vokaldy kvartetiniń solıseri – Maqsat Samatov, Jiger Sathanov, Bolat Qanaǵatovqa, sondaı-aq «Sazgen sazy» fólklorly-etnografıalyq ansambliniń artısi Yqylas Nurǵalıevke tabystaldy.
«Eren eńbegi úshin» medalimen «Alataý» dástúrli óner teatrynyń artısi Alma Amanjolova, Qazaq memlekettik sırkiniń akrobaty Nurlan Alshynbaev jáne «5-stýdıa TV Production» dırektory Tolqyn Sadyqova marapattaldy. «Qazaqstannyń eńbek sińirgen qaıratkeri» qurmetti ataǵy Memlekettik qýyrshaq teatrynyń aktrısasy Kúljámıla Ilásovaǵa, kompozıtor Vladımır Pıtersevke, sýretshi Rýstam Musaevqa jáne aktrısa Jarqynaı Shalqarǵa berildi.
«Almaty – elimizdiń mádenı astanasy. Bul jerde ult maqtanyshyna aınalǵan Muhtar Áýezov, Sháken Aımanov, Shara Jıenqulova, Roza Baǵlanova syndy tulǵalar eńbek etti. Búginde olardyń isin Almatyda jemisti eńbek etip jatqan talantty mádenıet qaıratkerleri jalǵastyryp keledi. Biz buny maqtan tutamyz», – dedi Almaty qalasy ákiminiń orynbasary Ásem Núsipova.
Qazaqstan Respýblıkasy Prezıdentiniń Alǵys hatyna Abaı atyndaǵy Qazaq ulttyq opera jáne balet teatrynyń artısi Aıajan Qýanyshálıeva men halyqaralyq baıqaýlardyń laýreaty Ulbolsyn Kenjebaıqyzy laıyq dep tanyldy.
«Mádenıet salasynyń úzdigi» tósbelgisimen Almaty haıýanattar baǵy dırektorynyń orynbasary Aǵybaı Ájibaev, Memlekettik qýyrshaq teatrynyń artısi Bolat Momynjanov jáne estradalyq-sımfonıalyq orkestrdiń artıseri Vladımır Demchenko, Rıma Ahmetova, Aınash Jaıylbekova-Sarbýfına, Meıirgúl Jalpaqova, Botagóz Qoıshybaeva, Valerıı Nasıbýlın jáne Alekseı Tımofeev marapattaldy.
Mádenıet jáne aqparat mınıstrliginiń Qurmet gramotasyna Ortalyqtandyrylǵan kitaphana júıesiniń kitaphanashysy Gúlbarshyn Bulanbaeva jáne dırıjer Nıkıta Belákov ıe boldy. Mınıstrdiń Alǵys haty Almaty haıýanattar baǵynyń qyzmetkeri Baǵıla Ibragımovaǵa berildi.
«Mádenıet – ómirimizge mán men sulýlyq beretin, adamzat damýynyń qozǵaýshy kúshi. Búgin tek belgili artıser ǵana emes, sahna syrtynda eńbek etetin jandardyń da qurmetke ıe bolǵany erekshe qýantady. Men úshin qarapaıym Alǵys hattyń ózi – úlken marapat, bul – seni baǵalap, eńbektiń eleýsiz qaldyrmaǵanyn bildiredi. Almaty – mádenı astana, onyń damýy – óz isine adal jandar men qalalyq ákimdiktiń qoldaýynyń nátıjesi», – dedi Qazaqstannyń eńbek sińirgen qaıratkeri, estrada jáne opera ánshisi Tolqyn Zabırova.
Sondaı-aq, Almaty qalasynyń ákimi Erbolat Dosaevtyń atynan óner men mádenı murany damytýǵa qosqan úlesi úshin 25 mádenıet salasynyń ókili Alǵys hatpen marapattaldy. Olardyń qatarynda: Saǵymgúl Qarabalına, Raýzıa Tursynbekova, Igor Blagodarnyı, Baqyt Aldıbekov, Tolqyn Zabırova, Venera Alpysbaeva, Álıar Ótetileý, Asylbek Eńsepov, Bahtıar Taılaqbaev, Tatána Adelgazınova, Laýra Shúlenbaeva, Batyr Januzaq, Marlen Maratov, Qaırat Botabekov, Aıda Kaýmenova, Shoqan Murathan, Sársenbaı Qalı, Ásıa Haırýlına, Kamılla Lı, Anar Ábjanova jáne Nellı Býbe bar.