Almaty qalasynyń ákimi Baqytjan Saǵyntaev aldaǵy kúzgi aǵash otyrǵyzý maýsymy týraly aqparat berdi. Shahar basshysynyń aıtýynsha, aǵashtardy jappaı otyrǵyzý eldi mekenderdegi joldardyń boıyna, negizinen Naýryzbaı men Alataý aýdandaryndaǵy «Alǵabas», «Shuǵyla» jáne taǵy basqa turǵyn keshenderiniń aınalasyna otyrǵyzylady, dep habarlaıdy almaty-akshamy.kz
Sonymen qatar, magıstraldy kóshelerdiń – Rysqulov, Abaı, ál-Farabı dańǵyldarynyń, Tımırázev kóshesiniń boıyna: trotýarlardyń, bólý jolaqtarynyń boıyna, aǵash joq jerlerge jáne magıstraldy kóshelerdegi úńgileý jumystary aıaqtalǵan – Abaı dańǵyly, Alataý kóshesiniń boıyna otyrǵyzylady.
Úı janyndaǵy aýlalardy kógaldandyrý úshin turǵyndarmen dástúrli «Jasyl aýla» aksıasy ótedi. Barlyǵy 300 myń aǵash otyrǵyzý josparlanýda. Aıta keterligi, kóktemde 64,5 myń aǵash otyrǵyzyldy.
Bıyl tamyr jaıýy tómen ári aýrýǵa beıim bolýyna baılanysty qala jóke aǵashy, sánaǵash, boz arshadan bas tartady. Aýdandastyrylǵan aǵashtarǵa, onyń ishinde «Qazaqstan» teregi men qaraǵashqa basymdyq beriledi.
Qalalyqtardyń suraqtaryna jaýap bere kelip, ákim «Jasyl Almaty» aksıasy aıasynda Sosnovyı borda 5,5 myń qaraǵaı otyrǵyzylǵanyn aıtty. «Tabıǵat» EYU qorynyń bastamashyl toby saıabaq aýmaǵyna 350 qaraǵaı men 500 alma aǵashyn otyrǵyzdy.
Jasyl jelekti kútý úshin skvajına jasaldy, sýarý júıesi tartyldy. Aǵashtardyń 80%-y avtomatty júıeniń arqasynda sýarylady.
«Jasyl Almaty» aksıasy aıasynda «Sosnovyı» skverinde, «Zapadnoe» zıratynyń boıyna, B.Momyshuly kóshesiniń boıyna 176 myńnan astam aǵash kósheti otyrǵyzyldy. Qaraǵaı ormanynyń qarsy betine qaıyń toǵaıy otyrǵyzyldy, onda 2,5 myń aǵash bar. Arheologtarmen kelisim boıynsha Saq qorǵany aınalasyna 2 myńǵa jýyq aǵash otyrǵyzyldy. «Boraldaı» men «Zerdeli» shaǵynaýdandarynda jańa saıabaqtar salynýda.