Boranqul Qoshmaǵanbetulynyń dombyrasy - mýzeı sahnasynda.
Almatyda Mýltımedıalyq dástúrli mýzyka ortalyǵynda kúıshi-kompozıtor Boranqul Qoshmaǵanbetulynyń 100- jyldyǵyna arnalǵan «Boranqul Qoshmaǵanbetulynyń dombyrasy mýzeı sahnasynda» atty mýzykalyq keshi ótti, dep habarlaıdy Almaty-akshamy.kz.
Atalmysh is-sharada, Ońtústik Qazaqstan, Qarataý kúıshilik mektebine úles qosqan kúıshi Boranqul Qoshmaǵanbetulynyń dombyrasyn qabyldaý rásimi ótkizildi.
Kúıshiniń 100 jyldyǵyna oraı «Keń jaılaý» atty kúıler jınaǵy kitabynyń tusaýy kesiledi. Atalǵan kitapta kúıshiniń otyz eki kúıi notaǵa túsirilip, ár kúıdiń aldynda shyǵý tarıhy jazylǵan. Sonymen qatar oryndaý ereksheligin basty nazarǵa ala otyryp, kúılerdi QR kod arqyly tyńdaýǵa múmkindik bar. Bul kitapqa avtor «Jekeme, batyr, jekeme», «Úkilimaıdyń anasyn ańsaýy», «Nemere jubanyshy», «Yqylas týraly tolǵaý», « Eshkili taýdyń etegi» syndy kúılerdi túsirgen.
«Búgingi kesh, bolashaq urpaǵymyzǵa úlgi bolary sózsiz. Qazaq kúıleri álemniń nazaryn ózine aýdarýda. Osy rette, qazaq ónerine ólsheýsiz úles qosqan tulǵalarymyzdy ardaqtaý bizdiń basty mindetimiz»,– deıdi «Almaty qalasy mýzeıler birlestigi» KMQK dırektory Lázzat Saǵyndyqova.
Boranqul Qoshmaǵanbetuly 1923 jyly Shý óńirinde dúnıege kelgen. 1944 jyly Jambyldaǵy pedagogıkalyq ýchılısheni bitirip, 1944 jyly Talas aýdanynda muǵalim bolǵan. 1952 jyly Shymkent qalasyndaǵy muǵalimder ınstıtýn bitirgen. 1952 jyly KPSS múshesi bolǵan. 1949 - 2006 jyldar aralyǵynda ártúrli mekemelerde qyzmet atqarǵan.
