QR Konstıtýsıasy kúni qarsańynda Almatyda kózge túsken polısıa qyzmetkerleri marapattaldy.
Qazaqstan Respýblıkasy Konstıtýsıasynyń 28 jyldyǵyna oraı Almaty polısıa garnızonynyń 130-dan astam polısıa qyzmetkeri marapattaldy, dep habarlaıdy Almaty-akshamy.kz.
Polisia.kz-tiń málimetinshe, memlekettik sharany toılaý burynǵy Qazaq KSR Úkimet úıiniń, qazirgi Qazaq-Brıtan ýnıversıtetiniń tarıhı zalynda ótti.
«Qurmetti áriptester! 1995 jyly 30 tamyzda búkilhalyqtyq referendýmda halqymyz Qazaqstandy zaıyrly, quqyqtyq jáne ýnıtarly memleket dep jarıalaǵan negizgi Zańdy qabyldady. Konstıtýsıa táýelsiz Qazaqstannyń qalyptasýynyń alǵashqy jyldaryndaǵy saıası, ekonomıkalyq, áleýmettik-mádenı reformalardyń nátıjesi jáne sonymen qatar jańa konstıtýsıalyq qatynastardyń qalyptasýyna negiz boldy. Konstıtýsıanyń qabyldanýymen elimizdiń jańa dáýiri bastaldy. Halyq birligi, qoǵamdyq-rýhanı kelisim, saıası turaqtylyq konstıtýsıalyq qurylystyń negizgi irgetasy retinde búgingi tańda qoǵamymyzdyń erekshe qundylyǵy sanalady. Árbir polısıa qyzmetkeri qylmyspen jáne basqa da quqyq buzýshylyqtarmen kúresý, azamattardyń múddelerin zańsyz qol suǵýshylyqtan qorǵaý – quqyq qorǵaý salasyndaǵy basty konstıtýsıalyq talaptardyń biri – zańdylyqty qatań saqtaýǵa negizdelgenin este saqtaýy kerek. Bul bizdiń kásibı paryzymyz, ony joǵary jáne sapaly oryndaý – Almaty qalalyq PD barsha qyzmetkerleriniń abyroıly mindeti», – dedi Arystanǵanı Zapparov.