Bul QR Prezıdentiniń tapsyrmasy boıynsha júzege aspaq.
Bul týraly Óńirlik komýnıkasıalar qyzmetinde ótken brıfıńte Almaty qalasy kásipkerlik jáne ınvestısıalar basqarmasy basshysynyń orynbasary Damır Tazabek málimdedi, dep habarlaıdy Almaty-akshamy.kz
Eske salsaq, Memleket Basshysy Qasym-Jomart Toqaev óziniń Qazaqstan halqyna arnaǵan sońǵy Joldaýynda jergilikti atqarýshy organdarǵa óndirýshilerdiń tizbegi boıynsha baǵalardy baqylaýdy qamtamasyz etýdi tapsyrǵan bolatyn.
«Aǵymdaǵy jyldyń qarasha aıynda Almaty ındýstrıalyq aımaǵynyń mańynda 17 gektar alańda «Ulttyq saýda-taratý jelisi» JSHS taratý ortalyǵynyń qurylysyn bastaý josparlanǵan. Paıdalanýǵa berý 2023 jyldyń basynda kútilýde. Jeke ınvestor jobany memlekettik-jekeshelik áriptestik sheńberinde iske asyrady. KTO-nyń bul jobasy búkil el boıynsha 24 kóterme-taratý ortalyqtarynan turatyn ulttyq taýar ótkizý júıesin qurý jónindegi jobanyń quramdas bóligi bolyp tabylady», - dep habarlady Damır Tazabek.
Joba aıasynda ınvestısıa somasy 35 mlrd teńgeni quraıdy. Bul sýarmaly jerlerde ósiriletin ónim kólemin ulǵaıtýdy qosa alǵanda, jemis-kókónis ónimderi óndirisiniń ósýiniń negizgi faktory bolady dep kútilýde. Bul rette azyq-túlikti saqtaýdyń, satýdyń jáne bólýdiń jańa tehnologıasy qurylatyn bolady. Kóterme saýda ortalyqtary ónimdi saqtaý men óńdeýden bastap taratý men satýǵa deıin mamandandyrylǵan qyzmetterdi usynady.
Búginde bas merdigermen birge jobanyń jobalyq-smetalyq qujattamasy ázirlendi. Jobanyń tehnıkalyq-ekonomıkalyq negizdemesi memlekettik saraptamadan ótti.