Almaty polıseıleri kóshi-qondy baqylaýdy kúsheıtti.
26-28 tamyz aralyǵynda “Quqyqtyq tártip” aýqymdy is-sharasyna baılanysty Almaty polısıasy kúsheıtilgen qyzmet túrine aýystyryldy, dep habarlaıdy aqshamnews.kz Polisia.kz-ke silteme jasap.
İs-sharanyń birinshi kúninde QR-nyń kóshi-qon zańnamasyn buzǵany úshin 117 sheteldik ákimshilik jaýapkershilikke tartyldy, olardyń kópshiligi jeke qurylysta jáne qurylys nysandarynda jumys istegen. 22 shetel azamaty elden shyǵaryldy, taǵy 42 adam reıd qorytyndysy boıynsha PD-niń qabyldap-taratýyna ornalastyryldy.
– Olardyń arasynda jeke basyn kýálandyratyn qujattary bolmaǵan Nıgerıa azamaty da bar, – dedi Almaty qalalyq PD kóshi-qon qyzmeti basqarmasynyń bastyǵy Asqat Býtýnchınov.
Tártip saqshylary qalada zańsyz turyp jatqan shetel azamattarynyń shoǵyrlanǵan jerlerin, atap aıtqanda qonaq úılerdi, jaldamaly páterlerdi, jataqhanalardy, stıhıalyq eńbek bırjalary men qurylys nysandaryn muqıat tekserip jatyr.