Almatyda avtobýs aıaldamasyn jáne Shyǵys aınalma avtomobıl jolynyń ýchaskesin bezendirýde testilik rejımde tiginen kógaldandyrý ádisi qoldanyldy. Jalpy, kósheler men túrli aýmaqtardy tiginen kógaldandyrylady, dep habarlaıdy Almaty-akshamy.kz.
Dostyq dańǵylyndaǵy aıaldamany bezendirý kezinde landshaft dızaınerleri butaly qarapaıym ósimdiktiń 160 gúlin – koleýsty qoldandy. Shyǵys aınalma jolyndaǵy tireý qabyrǵalarynyń birin bezendirý úshin 3450 dana sary jáne qyzǵylt sary tústi tagetes gúlderi qoldanyldy.
«Bezendirý kezinde kógaldandyrýdyń konteınerlik tásili qoldanyldy. Qalyptardae ósirilgen gúlder daıyndalǵan gúlzarlar men gúl qumyralaryna otyrǵyzylady. Jazda gúldený maýsymynda olardy bólshekteý jáne aýystyrý ońaı. Barlyq paıdalanylǵan gúl túrleri qurǵaqshylyqqa jáne qalanyń kúrdeli klımattyq jaǵdaıyna tózimdi», – dedi Almaty qalasy ekologıa jáne qorshaǵan orta basqarmasynyń jasyl qordy basqarý jáne monıtorıń bóliminiń basshysy Oljas Janyspaev.
Tiginen kógaldandyrý keńistikti únemdeıdi, qalaǵa estetıkalyq kórinis beredi jáne ekologıalyq jaǵdaıdy jaqsartady. Bolashaqta ony qala kóshelerin, magıstraldary men alańdaryn bezendirý úshin landshaft dızaınynyń elementteriniń biri retinde paıdalanýǵa bolady.