Almatyda Seıfýllın dańǵyly men Jansúgirov kóshesiniń qıylysynda qozǵalys syzbasy ózgertiledi
Seıfýllın dańǵyly men Jansúgirov kóshesiniń qıylysynda jol aıryǵyn salý aıasynda joǵaryda kórsetilgen ýchaskede kólik quraldarynyń qozǵalysyna kezeń-kezeńmen shekteýler engiziledi, dep habarlaıdy almaty-akshamy.kz
Máselen, 7 maýsymnan bastap Seıfýllın dańǵylynyń ońtústiginde Jansúgirov kóshesi boıynsha kólik quraldarynyń ótpeli qozǵalysy shekteledi. Qozǵalys Jansúgirov kóshesinen Seıfýllın dańǵylyna jáne Seıfýllın dańǵylynan Jansúgirov kóshesine deıingi jol aıryǵynyń sıezeri boıynsha qamtamasyz etiledi.
14 maýsymnan bastap Seıfýllın dańǵylynyń soltústiginde Jansúgirov kóshesi boıynsha kólik quraldarynyń qozǵalysy shekteledi. Qozǵalys sıezer boıynsha qamtamasyz etiledi. Bul syzba 1 qyrkúıekke deıin jaramdy bolady.
Esterińizge sala keteıik, jobada Seıfýllın dańǵylynda kóliktiń kedergisiz júrýi úshin jalpy uzyndyǵy 690 metr bolatyn eki tonnel salý kózdelgen. Jansúgirov kóshesi boıynsha kólik quraldarynyń ótýi jer deńgeıinde júzege asyrylatyn bolady. 4 jer ústi jaıaý júrginshiler ótkeli, trotýarlar jáne kógaldandyrý qarastyrylǵan. Aǵymdaǵy jyldyń sońynda jol aıryǵynda kólik qozǵalysyn tolyq ashý josparlanýda.