Malaızıanyń Kampar qalasynda 3-10 maýsym aralyǵynda APhO fızıkadan Azıa olımpıadasy ótýde.
Onda álemniń 28-den astam elinen oqýshylar baqtaryn synaýda, dep habarlaıdy Almaty-akshamy.kz.
Oqý-aǵartý mınıstrliginiń málimetinshe, fızıkadan Azıa olımpıadasy – Azıa-Tynyq muhıty aımaǵyndaǵy elderdiń mektep oqýshylary arasynda fızıkadan 2000 jyldan beri jyl saıyn ótkiziletin biregeı zıatkerlik jarys.
Qazaqstan quramasynyń músheleri:
Marǵýlan Nursaǵatov – Almaty qalasyndaǵy Respýblıkalyq fızıka-matematıka mektebiniń 11 synyp oqýshysy;
Dosjan Bısımbı – Almaty qalasynyń «Mıras» halyqaralyq mektebiniń 12 synyp oqýshysy;
Artýr Kım – Aqtóbe oblystyq daryndy jasóspirimderge arnalǵan mamandandyrylǵan «Bilim-ınnovasıa» lıseı-ınternatynyń 11 synyp oqýshysy;
Amır Pshenbaev – Astana qalasynyń daryndy er balalarǵa arnalǵan «Bilim-ınnovasıa» lıseı-ınternatynyń 11 synyp oqýshysy;
Nurbol Zakır – Atyraý oblystyq №1 «Bilim-ınnovasıa» lıseı-ınternatynyń 11 synyp oqýshysy;
İlıas Qazymbek – Astana qalasyndaǵy Respýblıkalyq fızıka-matematıka mektebiniń 11 synyp oqýshysy;
Nýurasyl Barlybaev – Atyraý oblystyq №1 «Bilim-ınnovasıa» lıseı-ınternatynyń 10 synyp oqýshysy;
Bekasyl Elýbaı – Almaty qalasyndaǵy fızıka-matematıka baǵytyndaǵy Nazarbaev zıatkerlik mektebiniń 11 synyp oqýshysy.
Qurama komanda jetekshileri:
Samat Maqsutov – PhD doktory, SDU dosenti;
Nurdáýlet Qalasov – PhD doktory, ál-Farabı atyndaǵy Qazaq ulttyq ýnıversıtetiniń aǵa oqytýshysy.
Atap ótsek, 2023 jyly ótken fızıkadan Azıa olımpıadasynda Qazaqstan qurama komandasy 1 altyn, 2 qola medal jáne 2 Qurmet gramotasymen marapattaldy.