Ol 1985 jyly týǵan B. esimdi azamat bolyp shyqty.
Almatyda kórshisinen iri kólemde aqsha urlaǵan kúdikti ustaldy, dep habarlaıdy Almaty-akshamy.kz Polisia.kz-ke silteme jasap.
Jergilikti turǵyn Áýezov aýdandyq polısıa basqarmasynyń kezekshi bólimine páterinen 1 mıllıon teńgeniń joǵalyp ketkenin aıtyp aryzdanǵan. Bul derek QR QK-niń 188-baby (Urlyq) boıynsha tirkeldi. Qajetti jedel izdestirý is-sharalaryn júrgizip, kýágerlerden jaýap alyp, tártip saqshylary úıdi-úıdi aınalyp ótip, oqıǵa ornyn muqıat qarap shyqty.
«Qabyldanǵan sharalardyń nátıjesinde kúdikti anyqtaldy jáne ustaldy. Ol 1985 jyly týǵan B. esimdi azamat bolyp shyqty. Tergeý barysynda ustalǵan azamat jábirlenýshiniń tanysy ekeni belgili boldy. Olar kórshi páterlerde turdy: kórshisi qabyrǵanyń arǵy jaǵynda saqtalǵan úlken somany bilgende, qylmystyq jospar qurdy. Qandaı da bir syltaýmen, ońaı aqsha tabý maqsatynda qaskóı qonaqqa kelip, qojaıyndary bólmeden shyǵyp ketken kezde urlyq jasaǵan. Al kelesi kúni er adam ol jerden kóship ketken», – dedi Áýezov aýdandyq polısıa basqarmasynyń bastyǵy Ulan Ábilqaıyr.
Polısıa qyzmetkerleri urlanǵan qarjynyń jartysyn aıǵaq retinde tárkiledi, qaskóı qalǵanyn jumsap úlgergen. Tergeýshiler kúdiktiniń basqa da qylmystarǵa qatysy bar-joǵyn mindetti túrde tekseredi.